Свет
„Фатална нерешителност“ на Обама
Американскиот претседател Барак Обама продолжува со одолговлекувањето на својата одлука за испраќање на дополнителни 40 илјади војници во Авганистан, а таа негова „фатална нерешителност“ ја зголемува „фрустрацијата“ околу војната во САД, но и во Велика Британија, пишува лондонски „Индепендент“
Весникот забележува дека во Лондон и во престолнините на другите земји-членки на НАТО, расте загриженоста поради должината на времето што му е потребно на претседателот Обама, за да се реши за повеќепати досега најавената нова стратегија во Авганистан.„Индепендент“ ја пренесува загриженоста на британските функционери, чиј идентитет не го открива, според кои, без брза одлука на американскиот претседател „војната би можела да биде загубена, не на фронтот, туку на домашниот терен“, поради се поголемото незадоволство на јавноста.Изворите на кои се повикува весникот забележуваат дека во услови кога и САД и Велика Британија се ангажирани во авганистанската војна, потребно е да се има „воен менталитет“ и над се „брзо да се донесуваат одлуките“.Овој лондонски весник, кој важи за голем поддржувач на американските демократи и на претседателот Обама, веќе по втор пат, во два дена, ја критикува нерешителноста и бавното донесување на одлуките за натамошниот приод кон Авганистан.Реакцијата доаѓа по најновите сознанија за расположението на британската јавност кон авганистанската војна, според кои, една третина од Британците смета дека војниците би требало веднаш да се повлечат од фронтот, додека повеќе од половината од луѓето не верува во можноста војната воопшто да се добие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.