Свет
Конгресот на САД го прифати законот за здравствени реформи
Претставничкиот дом на американскиот Конгрес во саботата навечер, по целодневна расправа со мала разлига во гласовите го прифати Законот за реформи во здравството, што неки медиуми во САД го оценија како историско достигнување на претседателот Барак Обама
Законот за достапност на здравствена заштита со кој здравството ќе биде достапно за милиони граѓани на САД, кои се неосигурани, по важност се споредува со воведувањето на системот на социјално осигурување од 1935 година. По 14 часови жестока расправа, обележана со длабока идеолошка поделеност меѓу демократите и републиканците , претставничкиот дом пола час пред полноќ го изгласа законот со 220 гласови „за“ и 215 „против“.Републиканците биле единствени во одлуката 176 „против“, но еден, новиот конгресмен на Луизијана, Џозеф Као што гласал „за“. Законот мора да биде прифатен и од Сенатот. Законот за воведување универзално здравство, што е во практика во многу развиени земји во САД се обидуваат да го спроведат веќе 100 години, од времето на претседателот Теодор Рузвелт. Со овој закон се решава проблемот на 47 милиони Американци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.