Свет
Талибаните ја презедоа одговорноста за убиството на 12 лица во Пакистан
Маж кој се претставил како лидер на талибаните ја презеде одговорноста за самоубиствениот бомбашки напад на пазар близу Пешавар во северозападен Пакистан, во кој загинаа 12 лица, а 36 беа повредени
Мажот, кој се именувал само како Омар, во телефонско јавување рекол дека нападот е извршен од локални талибански милитанти.Нападот е дело на напаѓач со автомобил-бомба, кој го активирал експлозивот пред домот на градоначалникот на една од локалните општини Абдул Малик кој загинал.„Напаѓачот пристигнал со автомобил кој го кренал во воздух во моментот кога градоначалникот се наоѓал заедно со посетители пред куќата во близина до сточен пазар“, изјавил претставник на локалната администрација Сахибзад Анис.„Освен Малик, меѓу убиените е и командир на локалните сили за борба против талибаните“, изјавил началникот на полицијата во Пешавар, Лиакат Али Хан.Според болнички извори, меѓу жртвите има и две деца.Абдул Малик беше жесток противник на алибаните и муслиманските екстремисти. Овој град е на рабните подрчја на планинските паштунски региони каде милитантите се активни и имаат свои засоолништа. Градоначалникот Малик бил тешко ранет, но подоцна подлегнал на повредите, соопштија локалните медиуми повикувајќи се на полициски извори.Малик како градоначалник на предградието на Пешавар, Матна на 16 километри од Пешавар во областа Адизаи, формирал милиција за борба против талибаните. Претходно тој бил близок со талибанското движење и со тоа станал цел на своите некогашни созјуници.Пакистанските власти страхуваат дела овој напад може да е почеток на нов бран терористички напади низ државата како одмазда за големата офанзива на армијата во провинцијта Јужен Вазиристан на граниата со Авганистан каде се наоѓаат главните бастиони на талибаните од двете држави. Во октомвири во терористичките акции во Пешавар загинаа повеќе од триста луѓе, а само во еден од најголемите напади со автомобил-бомба имаше повеќе од стотина загинати.Пакистанската војска ја презема офанзивата на 17-ти октомври во пелменските региони за да ги елиминира засолништата и базите на талибаните од Пакистан и Авганистан, во кои има странски борци, а постојат и сомневања дека таму се кријат и лидерите на Ал Каеда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Граѓаните на ЕУ повеќе претпочитаат печатени отколку електронски книги
Уделот на граѓаните на ЕУ, кои купуваат печатени книги, списанија или весници преку интернет, е сè уште значително поголем од оние што купуваат е-книги, списанија или весници, покажува новото истражување на Евростат објавено по повод Светскиот ден на книгата и авторското право, кој се слави на 23 април.
На ниво на ЕУ, во 2023 година, 13,4 отсто од оние што купиле на три месеци пред истражувањето платиле печатена книга преку интернет. Тоа беше повеќе отколку во 2022 година (12,7 проценти), но помалку отколку во 2021 година (14,5 проценти).
Во набљудуваниот период 7,2 отсто од граѓаните во ЕУ купиле е-книга во споредба со 6,6 отсто во 2022 година и слично како во 2021 година. Најголем процент граѓани што купиле печатена книга во трите месеци од 2023 година пред истражувањето е во Холандија, во Луксембург и во Ирска – над 20 отсто, а најмалите, само малку повеќе од еден отсто, на Кипар.
Во исто време, најголем број на оние што купиле е-книга е забележан во Данска – 22 отсто, а најмал на Кипар – помалку од еден отсто. Данска и Финска се единствените земји членки на ЕУ во кои повеќе луѓе купувале електронски отколку печатени книги.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија на предлог на европратеникот и известувач за укинување на тие визи, Матјаж Немец.
За извештајот на Немец гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откога од 1 јануари годинава беа укинати визите за граѓаните на Косово.
Во ноември 2023 година Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.
Свет
(Видео) Драматична снимка од спасување во Минесота, маж беше заглавен во запален автомобил
Група луѓе успеале да скршат запален автомобил и да спасат маж заробен во возилото, а драматичниот момент на спасувањето во Минесота беше снимен.
На видеото се гледа група луѓе околу автомобил зафатен од пламен. Тие очајнички се обидуваат да ја отворат вратата пред некој да го скрши прозорецот на возачот и потоа да го повлече на безбедно.
Инцидентот се случил минатиот четврток околу 18.30 часот.
Властите соопштија дека „хондата“ скршнала надесно и удрила во столб за осветление, а потоа и во заштитна ограда пред да се запали, создавајќи чад и голем пожар.
Возачот потоа бил пренесен во болница, но не добил сериозни повреди.