Свет
САД бараат од сојузниците уште 7.000 војници
Во долгите преговори со сојузниците од НАТО, администрацијата на американскиот претседател Обама заради новата стратегија во Авганситан се надева на дополнителни седум илјади војници од европските држави
Американските и европските проценки за бројката на војници кои дополнително би можел да ги ангажираат сојузниците од НАТО се движат меѓу три и седум илјади, пишува во саботата Wall Street Journal. Овие сили би требало да бидат дополнување на американските воени засилувања што ги разгледува претседателот Барак Обама кои се движат во рамките меѓу 10 и 40 илјади американски војници. Сепак американски функционери сметаат дека најмногу шанси да се реализира има опцијата според која САД во Авганистан ќе испратат 35 илјади припадници на армијата во комбинирана мисија на борбени единици и единици за тренинг и оспособување на авганистанските безбедносни структури. Новата стратегија за Авганистан во јануари Според весникот аранжманите биле во завршна фаза, а заедничкото соопштение за испраќање нови сили во Авганистан може да се очекува пред 30-ти ноември. Се наведува и изјава на неименуван американски висок функционер кој нагласил дека положбата на САД во преговорите со сојузниците од НАТО е многу подобра отколку што била пред три седмици. Според Wall Street Journal, прво Обама ќе ја соопшти новата стратегија, а потоа генералниот секретар на НАТО, Андреас Фог Расмунсен ќе го соопшти тоа во говор. Изворите на весникот кои учествуваат во преговорите, како што се наведува, Расмунсен ќе настојува да испрати јасна порака дека САД не се сами во нивната намера за сузбивање на талибанскиот бунт. Ревизијата на стратегијата на Барак Обама за Авганистан е продолжена а требаше да биде изготвена до октомври, според весникот, делумно и заради обезбедувањето широка поддршка меѓу членките на Алијансата.Министрите за надворешни работи на членките на НАТО би требало да се останат на 3-ти јануари, а некои од европските дипломати очекуваат Обама да ја соопшти новата стратегија непосредно пред состанокот. Обама ќе го оствари во НАТО она што Буш не го можеше Преземањето на обврската на европските сојузници од НАТО за испраќање дополнителни три илјади војници, би претставувал дипломатски успех за Вашингтон, особено ако се има предвид дека во овој поглед администрацијата на претходниот американски претседател Џорџ Буш не можеше да издејствува европско засилување. Според американските медиуми, САД таргетирале шест европски држави сојузнички од кои како најсигурни се споменуваат Германија, Велика Британија и Италија, кои би требале да испратат по еден баталјон од 500 до илјада војници. Италијанската влада деновиве веќе го испроба пулсот на домашната јавност најавувајќи ја можноста да испрати дополнителни 400 војници во Авганистан, додека германската канцеларка Ангела Меркел изрази подготвеност на почетокот од 2010 г. Германија значително да го зголеми својот контигент од 4.500 на 7 илјади војници. Турција исто така соопшти дека ќе ги дуплира своите сили од 800 на 1.600 војници. Белата куќа, пак, од Франција очекува да го смени ставот кој неодамна го соопшти дека нема веќе да испраќа војници во Авганистан, и да распредели одреден број од илјадата што ќе ги повлече од Косово, а од Романија се очекуваат уште 600 војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хезболах го нападна северниот дел на Израел со беспилотни летала
ЛибанскиХезболах соопшти дека извршил напад со беспилотни летала врз израелските воени бази северно од градот Акра, во најдлабокиот напад на израелска територија од почетокот на војната во Газа.
Израелската војска соопшти дека нема сознанија за некој од нејзините објекти погодени од Хезболах, но претходно соопшти дека пресретнала две „воздушни цели“ во близина на северниот брег на Израел.
Двете страни редовно разменуваат ракетни и воздушни напади од почетокот на војната во Газа минатиот октомври, но се воздржуваат од отворена војна. Сепак, со оглед на честите напади, постојат стравувања дека несреќа или погрешна проценка на која било страна може да доведе до брза ескалација на конфликтот, како и до потенцијално вклучување на други регионални и светски сили, вклучително и САД.
Хезболах вели дека нападот е одмазда за претходниот израелски напад во кој загина еден од нивните борци. Групата објави сателитска снимка со локацијата на нападот на половина пат помеѓу Акра и Нахарија на север. На едно видео е видливо и како израелската воздушна одбрана ги пресретнува беспилотните летала.
Израелската војска соопшти дека нејзините воени авиони одговориле со гаѓање воени цели во областа Маркаб во јужен Либан.
Најмалку две лица загинаа, а уште шест се повредени откако израелски воздушен напад погоди станбена област во јужниот либански град Ханин, објави во вторникот официјалната либанска новинска агенција NNA.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Свет
Макрон и градоначалничката на Париз најавија дека ќе пливаат во Сена: Сакаат да го докажат добриот квалитет на водата за Олимписките игри
Градоначалничката на Париз, Ан Идалго изјави дека ќе плива во Сена со францускиот претседател Емануел Макрон за да докаже дека квалитетот на водата на реката ќе биде на нивото потребно за претстојните Олимписки игри.
Идалго потврди дека ги поканила организаторите на Олимпијадата и високите француски функционери да пливаат во Сена на настан кон крајот на јуни или почетокот на јули оваа година, вклучувајќи го и Макрон, кој претходно ветил дека ќе плива во реката, пренесува АП.
„Ќе нуркаме во Сена и многу волонтери се појавија да нуркаат со мене и многу спортисти ќе бидат таму. Ќе биде безбедно да се плива во Сена“, изјави Идалго.
Претходно, француската невладина организација „Suffrider Foundation“ предупреди дека квалитетот на водата во Сена не е доволно добар за пливање за време на Олимпијадата, врз основа на шестмесечни мерења на квалитетот.
За чистење на оваа река ќе бидат инвестирани 1,4 милијарди евра, а од 1 јуни ќе почнат новите рутински мерења.
Организаторите на ОИ претходно најавија дека е можно да се одложат одредени настани во случај на голема загаденост на Сена, а во најлош случај ќе биде откажан пливачкиот дел од планираните триатлони.
Исто така, беше најавено дека пливањето во делови на Сена ќе биде дозволено за јавноста, за прв пат од 1923 година.