Свет
„Гардијан“: САД ангажираат паравоени групи во Авганистан за борба против талибанците
Американските специјални сили ги поддржуваат паравоените групации, кои се борат против талибанците во 14 области во Авганистан, пишува британскиот весник „Гардијан“
Оваа поддршка била дел од тајната програма, која, како што додава весникот, според некои експерти можела да стане причина за долгорочна нестабилност во Авганистан.Програмата наречена Иницијативата за заштита на заедниците ја имала поддршката од главниот командант на силите на САД и на НАТО во Авганистан, генералот Стенли Меккристал, но деталите од програмата се чувале во тајност од сојузниците на САД, кои, како што пишува „Гардијан“, можеби ќе имале одредени забелешки.Весникот додава дека обидот да бидат создадени т.н. гнезда на племенски отпор против талибанците вклучувало поврзување на американските специјални единици со вооружени групи, па дури и со одметнати бунтовници, кои добивале поддршка и обука.Паравоените формации имале задача да ја стабилизираат ситуацијата во одделни области, но тие, додава „Гардијан“, сепак не добивале оружје. Нивната цел била да им помогнат на авганистанските сили за безбедност и на единиците на НАТО.Специјалните единици ќе имале пристап до паричен фонд на американската армија со цел да го финансираат овој проект.Повеќе експерти, меѓутоа биле вознемирени од можните последици, кои може да ги има поддршката на тие воени групи, откако меѓународната заедница потрошила милијарди долари за да ги разоружа нелегалните милиции по соборување на талибанскиот режим во 2001 година.Според некои експерти САД ризикувале да ја загубат контролата врз групациите, кои во минатото ограбувале продавници и поставувале незаконски контролни пунктови.Друга причина за несогласување со оваа програма, пишува „Гардијан“ било и вклучувањето на Ариф Нурзаи, авганистански политичар од провинцијата Хелманд во неа, поради големата недоверба што меѓународната заедница ја има во него.„Иако многу западни политичари сакаат да го турнат Нурзаи настрана и да им дадат предност на авганистанската армија и на полиција, во пресрет на претседателските избори тој успеа да собере 12.500 доброволци за паравоени групи во 22 провинции, и дел од милициите, предвидени со програмата, ќе се пополнат токму со овие вооружени луѓе“, пишува „Гардијан“.Според некои западни претставници, САД за реализирање на оваа програма ќе одвојат 1,3 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.