Свет
Уште еден скандал на парагвајскиот претседател, поранешен бискуп
Парагвајскиот претседател Фернандо Луго кој предизвика скандал признавајќи дека е татко не двегодишно дете, па потоа и повикан на ДНК-тестирање за татковство на друго дете, продолжува со скандали по обвинението дека е татко на 19-годишна девојка
Во вторникот поранешниот католичкиот бискуп обврзан на целибат, сега претседател на Парагвај, Фернандо Луго, е обвинет од негова внука дека е татко на нејзината 19-годишна ќерка.Мирта Маидана Луго е ќерка на претседателовата сестра Мерцедес Луго, која всушност ја има улогата на прва дама во државата, тврди дека Фатима Рохас која беше непозната за јавноста до нејзината венчавка во саботата проследена со голема помпа на која присуствувал и самиот претседател, е всушност негова ќерка.„Сите во семејството знаевме дека Фатима е ќерка на вујко Нони. Нека се согласи на ДНК-анализа. Ако тоа не е негова ќерка, нека ме осудат за келвета“, изјавила Мирта Маидана Луго за локалното радио 9.70 АМ. Весникот ABC, пак, пишува дека мажот на Фатима Рохас пред два месеца бил именуван на висока функција во државната компанија на Парагвај која заедно со Аргентина управува со хидроцентралата Јакирета.Сенаторот Сиксто Переира, кој е поддржувач на претседателот, коментирал дека медиумите сакаат да го уништат Фенрандо Луго и неговата влада. Владини извори за весникот исто така тврдат дека обвинувањето од внуката е одговор на предлогот на претседателот за намалување на буџетот за канцеларијата на првата дама за 2010 г. Луго на 13-ти април годинава призна дека е татко на синот на 25-годишната Вивиен Кариљо, што предизвика огромен скандал во државата во која 90 отсто од населението се католички верници. Пред судот се поднесени и две барања за признавање на татковство кои против Луго ги поднесле 27-годишната Бениње Легуизамон, поранешна собарка во бискупијата Сан Педро каде Луго беше бискуп пред да стане претседател, и на 39-годишната Хортензија Дамиана Моран која како верски активист била ангажирана во предизборната претседателска кампања на Луго, чии синови имаат шест и две години. Случајот на Легуизамон е блокиран бидејќи Луго одбива да даде крв за ДНК-анализа надвор од главниот град, оправдувајќи се дека тоа не му го дозволуваат претседателските обврски. Денеска Луго побарал од државниот обвинител да го одбие барањето на Моран за признавање на татковство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Две девојчиња повредени со нож во близина на училиште во Франција, напаѓачот е приведен
Две девојчиња на возраст од 6 и 11 години се полесно повредени со нож во близина на нивното училиште во Софелвејерсхајм, источна Франција, соопштија властите.
Според жандармеријата, 11-годишно девојче било повредено со нож пред училиштето, а друго е избодено на блискиот плоштад. Имаат површни рани и се хоспитализирани.
Напаѓачот бил приведен нешто по 14 часот и 15 минути на плоштадот. Тој веќе немал нож во раката и не пружал отпор.
„Човекот не е познат на службите и се чини дека неговите мотиви не биле поврзани со радикализација“, соопшти жандармеријата.
Децата биле задржани на училиште. Родителите ги чекале пред училиштето каде се распоредени неколку противпожарни возила.
„Навистина се плашам. Ни рекоа дека децата се безбедни внатре, но не знаеме кога ќе можеме да ги земеме“, рече Сара, една од мајките чие дете е на училиште.
Свет
Патник загина на летот на Рајанер над Италија, со него била и неговата бремена сопруга
Вчера, 33-годишен маж загина на летот на Рајанер над Италија додека неговата бремена сопруга седела во вториот, заден дел од авионот. Според италијанските медиуми, мажот починал од срцев удар.
Откако вчера наутро му се слошило на летот од Торино до Ламеција Терме, двајца патници обучени за давање медицинска помош се обиделе да го спасат, а персоналот на авионот бил принуден да влезе со дефибрилатор, пишува LaStampa. Авионот се вратил во Торино 30 минути по полетувањето, влетале лекарите, но на лице место била констатирана смрт на човекот.
Неговата сопруга дознала за неговата смрт дури откако авионот се вратил во Торино бидејќи седела далеку од него во задниот дел од авионот. Локалните медиуми јавуваат дека таа била однесена во блиската болница Сирие во состојба на шок.
По трагедијата, имаше тврдења дека спасувачките екипи доцнеле на аеродромот. Сепак, овие тврдења се отфрлени, а локалната здравствена власт соопшти дека биле подготвени да пружат помош веднаш по слетувањето на авионот.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.