Свет
Опаѓа популарноста на Путин и Медведев
Резултатите од последната анкета за проверка на рејтинзите на рускиот државен врв, покажува дека во последните месеци популарноста на рускиот премиер и на претседателот се во надолна линија, најверојатно заради последиците од економската криза од која без работа останаа повеќе од милион Руси
И покрај влошената економска ситуација, премиерот Владимир Путин и претседателот Дмитриј Медведев минатата година по преземањето на функциите имаа високи рејтинзи, но во последните неколку месеци тие постојано опаѓаат, пренесува Reuters повикувајќи се на руски извори.Според овие анкети, од половината на октомври кога рејтингот на Путин изнесуваше 72 отсто, до 22 ноември е намален на 65 отсто, што е најнизок од март годинава, објави Фондацијата за истражување на јавното мнение.„Внимателно ги следиме истражувњата на јавното мнение, но истовремено ги следиме и податоците кои ги добиваме директно од нашите граѓани“, изјавил портпаролот на рускиот премиер, Дмитри Песков. Тој појаснил дека одговорите на прашањата кои ги добиле од граѓаните ќе и’ помогнат на владата да утврди кои мерки се ефикасни а кои не се, како и во кои сфери треба да се промени работењето.Популарноста на претседателот Медведев, пак, од 62 отсто во октомври паднала на 54 отсто до истиот датум во ноември.Аналитичарите толкуваат дека објавените резултати треба сериозно да се сфатат, бидејќи при непостоење на каква и да е стабилна политичка институција, популарноста на Путин претставува основа на политичката стабилност во државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“, повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува Танјуг.
Полицијата во моментов спроведува истрага со проверка на робата во продавниците, поради што се уште не се знае конечната количина на дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.