Свет
Спорни избори во Хондурас
Во Хондурас почнаа општите избори чие одржување е спорно, затоа што му претходеше соборување и протерување на претседателот Мануел Залајета
Се претпоставува дека легитимноста на изборите кои во недела ги спроведува власта во Хондурас, ќе биде оспорена и од голем дел на партии во самата држава, но и од голем број држави од Јужна Америка. Мексико и Европската Унија се воздржаа од коментари и ќе ги чекаат резултатите, а засега само четири држави, меѓу кои САД и Панама, соопштија дека ќе ги признаат изборните резултати. Претседател Мануел Залајета кој беше соборен од власта со државен удар на 28 јуни, ги повика сонародниците кои го поддржуваат да ги бојкотираат изборите. Неговите противници, пак, апелираат дека со изборите ќе се надмине кризата која беше предизвикана по неговото протерување. Избирачките места треба да бидат затворени во 22 часот по средноевропско време, по што се очекува за многу кусо време да бидат објавени неофицијалните резултати од излезните анкети. Главни претседателски кандидати се водачот на соборувањето на Зелаја, Роберто Мичелети, Порфирио Лобо од Националната партија и Елвин Сантос кој ја претставува Либералната партија од која потекнува и Зелаја. Властите најавија дека изборите ќе ги следат три илјади набљудувачи, но ниедна од влијателните меѓународни институции, како што е Организацијата на американските држави и Обединетите нации кои и натаму бараат Зелаја да биде вратен и потоа да бидат организирани избори. Гласањето на 4,6 милиони граѓани на Хондурас со право на глас, го обезбедуваат 30 илјади полицајци и 10 илјади резервисти. Преодната влада на Роберто Мичелети соопшти дека ќе овозможи да се одржат регуларни избори на 29 ноември. Новиот претседател би требало да ја преземе должноста во јануари.Врховниот суд повторно против ЗелајаПретходно, во четвртокот, Врховниот суд на Хондурас им препорача на пратениците да гласаат против враќањето на власт на соборениот претседател, кој има се’ послаби шанси да се врати на функцијата. Мислењето на Врховниот суд беше дадено шест дена пред Конгресот на Хондурас да гласа дали Мануел Зелаја ќе се врати на претседателската функција откако во јуни беше соборен од власт и депортиран од државата. Неговото враќање на функцијата беше дел од договорот кој беше постигнат со помош и инсистирање на САД и повеќето јужноамерикански држави за да се надмине политичката криза во државата, но не беше испочитуван.Врховните судии заклучиле дека соборувањето на Зелаја било легално, бидејќи тој го прекршил налогот на Врховниот суд да го откаже референдумот за уставните промени. Претседателот Мануел Зелаја беше соборен од власт заради одлука на Уставниот суд кој не го прифати неговиот референдум со кој ќе му беше овозможен уште еден претседателски мандат, па нареди негово апсење. Армијата го уапси Зелеја и со авион го протера од државата.Зелаја – богат либерал кој стана ултралевичарОва наиде на големи критики од САД и другите влијателни држави од Јужна Америка кои го условија новиот режим во Хондурас со враќање на Зелаја до подготовка на изборите.Зелаја од септември кога илегално се врати во државата, престојуваше во Бразилската амбасада.Зелаја претходно двапати се обиде да се врати во Хондурас. Неговите приврзаници од неговото симнување од власта секојдневно протестираа. Исто така, пропадна и обидот за меѓународно посредување кое кон крајот на јули го предводеше претседателот на Костарика, Оскар Ариас. Тогаш владата на Мичелети одби да му ја предаде привремено власт на Зелаја кој требаше да ја предводи владата на национално единство за подготовка на новите избори. Мичелети беше упорен дека изборите ќе се одржат според предвиденото – на 29 ноември.Кризата почна откако Зелаја го разреши началникот на војската, генералот Ромео Васкез, бидејќи одби да му помогне да организира референдум за можноста претседателите да служат подолго од еден четиригодишен мандат. Инсистирањето на Зелаја, кој важи за сојузник на контроверзниот претседател на Венецуела, Хуго Чавез, да го промени уставот за да си овозможи уште еден мандат, ги подели и институциите во земјата и доведе до уставна криза.Зелаја дојде на власт во 2006 г. и неговиот мандат требаше да трае до 2010 г.Инаку Зелаја е богат деловен човек кој потекнува од десната Либерална партија, кој по стапувањето на претседателската функција се доближи на левите идеи и воспостави блиска соработка со венецуелскиот претседател и ултралевичар Хуго Чавез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.