Свет
Копенхаген: Нацрт договорот го ограничува глобалното затоплување од 1,5 до 2 степени
Договорот за климатските промени кој треба да го прифатат учесниците на Светскиот самит во Копенхаген, има намера да се ограничи глобалното затоплување од 1,5 до 2 степени Целзиусови, пишува денеска АФП
„Земјите мора да соработуваат со цел да се избегне опасноста од климатски промени, така што ќе се признае дека растот на просечната глобална темперетура во споредба со пред-индустриските нивоа не смее да надминува (2 степени) (1.5 степени ),” стоело во документот од седум страници, кои ќе бидат основа за преговорите.Членовите на Г-8 (индустриски најразвиените земји во светот) во јули се согласија за време на состанокот во италијанскиот град Аквила да се ограничи затоплување до 2 степени над прединдустриските нивоа.Сепак, по иницијатива на мали островски држави, кои се особено ранливи поради растот на нивото на океанот поради топењето на глечерите, стотици од земјите во развој се борат за границата да биде до 1,5 степени C.Ова би значело дека емисиите од ефектот на стаклена градина треба да се намалат за 85 проценти до 2050 година во споредба со нивото од 1990 година.За да се постигне оваа цел, нацрт договорот предвидува силно намалување на емисиите на стакленички гасови до 2050 година во однос на 1990 и нуди три опции: намалување на 50, 85 и 95 отсто и повеќе.Сепак, таквите обврски се исклучително чувствително прашање во преговорите за големите земји во подем, како Кина и Индија, кои се едни од најголемите загадувачи на планетата.Овие земји тврдат дека нивниот приоритет е економски развој и затоа бараат најразвиените индустриски земји да сносат најголемо финансиско оптоварување.Покрај тоа, копенхагенскиот предлог договор предвидува продолжување на важноста на Протоколот од Кјото, за периодот од 2013 до 2020.Протоколот од Кјото на кој важноста му завршува во 2012 година е првиот светски договор кој предвидува обврските за намалување на загадувањето на високоразвиените земји, но сепак неговиот спектар е ограничен, бидејќи Соединетите Држави никогаш не го прифатија.Затоа нацрт договорот од копенхаген предвидува и анекс на Протоколот од Кјото, иако тој анекс сеуште не е разработен.Третата обврска се однесува на финансирање и обезбедува механизам за што поскоро да стапи во сила (брз старт) 2010-2012 година, но структурата на финансирање не’е јасна, дури и во дополнението на предлог не се прецизира сума.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.
Свет
(Видео) Пратеник во ЕУ пушти гулаб во знак на мир
Словачки пратеник во Европскиот парламент денеска привлече внимание со пуштање жива птица од говорницата по својот говор. Како што рече, тоа го направил во знак на мир во светот.
На збунетост и изненадување на присутните претставници во Стразбур, Мирослав Радачовски, лидер на десничарската партија Словачки патриот, посегна во чантата што ја имаше под јакната и го пушти гулабот да одлета во собраниската сала.
Тој рече дека „сака мир за целиот свет, за Русите и Украинците“.
„Би сакал да го ослободам овој гулаб како симбол на мирот, да симболизирам дека на Европа ѝ треба мир. Да оставиме овој гулаб да нѐ обедини сите“, рече Радачовски.
Сепак, иако сакаше да ги обедини присутните, некои ги згрози.
Каролин Руз, француска пратеничка во Европскиот парламент од редовите на зелените, го критикува велејќи дека користел живо животно за да даде политичко мислење, што е спротивно на правилата на парламентот.
„Тој употреби животно, скриено во неговата торба како едноставен предмет, само за да даде изјава за мир денес. Што ќе направите за да го вратите ова животно, господине? Каде е благосостојбата на животните во гестот на овој говорник? Сметам дека ова е апсолутно неприфатливо“, рече Руз.
Додека птицата леташе во салата, друг колега го праша Радачовски: „Можеш ли да ја фатиш“.
Јан-Кристоф Отјен, заменик-претседател на парламентот, рече дека инцидентот ќе биде пријавен кај претседателот на домот, додавајќи: „Се надеваме дека животното ќе биде добро“.