Свет
Србија со нови докази за трговија со човечки органи на српски затвореници од Косово
Српскиот обвинителот за воени злосторства изјавил дека Србија ќе претстави четворица нови сведоци во случајот со трговија со човечки органи на север во Албанија и Косово во текот на 1998 и 1999 г., пренесоа белградските медиуми
Како што рекол специјалниот обвинител за воени злосторства Владимир Вукчевиќ, во оваа фаза српските власти ќе докажуваат дека „такво монстуозно злосторство било направено“, односно дека имало трговија со човечки органи. Тој додал, дека сепак, истрагата е далеку од потврдена за да ги дознаат имињата на директните извршители.„Имаме нови докази во таа насока, коишто ќе бидат презентирани пред специјалниот известител на Советот на Европа, Дик Марти, а потоа и на јавноста“, изјавил Вукчевиќ. Дик Марти во август беше во посета на Србија, Косово и Албанија во истрага по тврдења дека припадниците на УЧК убиле повеќе од 500 Срби од Косово кои биле затворени во Албанија, потоа продавајќи ги во странство нивните органи. Трибуналот во Хаг во почетокот на 2005 г. преземал истрага под кодот „Дон Кихот“ која се водела по предметите најдени во „Жолтата куќа“ крај северниот албански град Бурељ. Според сомневањата, во таа куќа на заробените Срби од Косово им биле вадени органите кои подоцна за големи пари се продавани на црниот пазар со човечки органи.Тврдењата за наводна трговија со органи се содржат и во книгата на поранешниот главен обвинител на Хашкиот трибунал Карла дел Понте. Таа побара од СЕ да се позанимава со случајот, но во Албанија беше отфрлено српското барање за истрага кое се темели на докази од над 130 луѓе што ги собра Обвинителството на Србија. Во 2006-та, Хашкиот трибунал наместо да ја заврши истрагата до крај, наредил сите материјални докази да се уништат бидејќи „не биле важни за истрагата“. Постојат сомневања дека доказите се уништени заради притисокот на Западот за ослободување од сите обвиненија на Рамуш Харадинај. Еден од адвокатите во процесите во Хаг, познатиот белградски адвокат со македонско потекло Тома Фила, изјавил дека Хаг ги уништил доказите по налог на Вашингтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.
Регион
Полицајци и пожарникари пристигнуваат пред куќата каде што исчезна Данка
Во Бањско Поле во Србија пристигнуваат уште полициски сили и пожарникари во околината на викендичката на семејството Илиќ во близина на која последен пат била видена малата Данка Илиќ по која веќе трет ден се трага.
Покрај пожарникари и полиција, на самото место има и багер, иако сè уште нема официјални информации зошто. Репортерот на српски „Телеграф“ јавува дека полицијата отвора шахти околу куќата на семејството Илиќ.
Како што објави „Телеграф“, полицијата и работниците од ЈКП од утрово го расчистуваат теренот.
Данка Илиќ исчезна во вторникот во 13.45 часот кога мајка ѝ му давала вода на другото дете.
По девојчето 27 часа трагаа припадници на жандармеријата, полицијата, пожарникари, спасувачи, како и многубројни мештани. По 27 часа, српската полиција го прекина пребарувањето на теренот во Бањско Поле.
Свет
11 канали на „Телеграм“ блокирани во Русија поради терористичка содржина
Руската агенција за следење на комуникациите „Роскомнадзор“ го ограничи пристапот до 11 канали на платформата „Телеграм“ поради терористичка содржина во последните два дена, објави агенцијата РИА.
„Од терористичкиот напад во концертната сала ‘Крокус сити хол’ спроведуваме насочен мониторинг. Ги бележиме фактите за намерното ширење разни невистини по терористичкиот напад – фалсификати и повици за екстремистички активности“, соопшти „Роскомнадзор“.
РИА наведува дека на барање на „Роскомнадзор“ биле отстранети околу 600 документи со терористичка содржина или има забранет пристап до нив.