Свет
САД користат ноќни тајни операции против талибанците и Ал Каеда во Пакистан
САД користат тајни операции што се изведуваат во текот на ноќните часови во реоните долж пакистанско-авганистанската граница за елиминирање на талобанците и Ал Каеда, без за тоа да ги известуваат пакистанските власти, пишува лондонски „Гардијан“
Весникот се повикува на признанието на еден поранешен офицер на НАТО, чиј идентитет не е откриен.Според неговото објаснување, американските специјални сили водат „тајна војна“ против силите што водат војна во Авганистан, а работат за дестабилизација на Пакистан.Американците и натаму бараат од пакистанските власти да продолжат со офанзивата против терористите кои на територијата на Пакистан, во одалечените реони што се исклучиво под контрола на племенските старешни, наоѓаат сигурно засолниште и локација за криење од коалициските сили против кои се борат во Авганистан.Ваквите „тајни ноќни рации“ на специјалните сили на американската војска, според весникот, се содржани во тајниот дел од новата стратегија на САД, што ја објави администрацијата на претседателот Барак Обама за кршење на отпорот на талибанците.Лондонскиот весник тврди дека ваквите операции на САД не наидуваат на поддрска и разбирање на главната пакистанска разузнавачка агенција ИСИ.Претставник на агенцијата за „Гардијан“ изјавил дека нивното спроведување им преци на операциите што разузнавачите ги преземат против екстремистите на пакистанската територија. – Ако САД навистина знаат каде се крие (лидерот на талибанците во Пакистан) Мула Омар, нека ни кажат, па ние ќе го фатиме, изјави за весникот претставникот на ИСИ.Пакистанската јавност смета дека „тајната војна“ што американците ја водат во пограничите делови на областа Белуџистан може да има спротивен ефект од оној што се сака да се постигне.Во градот Квета, што е центар на оваа област, често се одржуваат антиамерикански протести, со објаснување дека тие се плашат од можноста и нивниот град и областа околу него да се најдат на удар на беспилотните летала.Во овие операции на војската на САД не се вклучени Британците, чија улога во уништувањето на безбедносните скривалиста во Белуџистан, е мошне мала и ограничена, забелзува весникот.Таквиот однос на британската војска е неразбирлив затоа што оваа област се граничи со провинцијата Хелманд во Авганистан, каде навлегуваат талибанците, против кои се ангажирани преку 9.000 припадници на армијата на Велика Британија, заклучува „Гардијан“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Свет
Земјотрес во Турција со јачина од 5,6 степени според Рихтеровата скала
Земјотрес со јачина од 5,6 степени според Рихтеровата скала попладнево ја погоди централна Турција, соопшти државната агенција за справување со катастрофи. Веднаш не беше соопштено дали земјотресот предизвикал жртви или материјална штета.
Според Дирекцијата за управување со катастрофи и вонредни ситуации, земјотресот се случил во градот Сулусарај, во провинцијата Токат, на околу 450 километри источно од главниот град Анкара.
Според телевизијата Хабер Турк, земјотресот бил почувствуван во соседните провинции. Земјотресите во Турција се чести бидејќи земјата лежи на активни раседи.
Разорен земјотрес со јачина од 7,8 степени според Рихтер ја погоди минатата година
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.