Свет
Жена го бутнала Папата на Полноќната божикна миса
При полноќната процесија во Ватикан, жена скокнала се обидела да ја прескокне заштитната ограда, при што Бенедикт XVI изгубил рамнотежа. Според Ватикан, истата жена и минатата година го направила истиот инцидент
Папата во четврток навечер ја предводеше Божикната миса која почнува традиционално со полноќата, која оваа година почна два часа порано, забележуваат италијанските медиуми. Вообичаено во базиликата „Свети Петар“ во Рим се собраа илјадници луѓе кога папата Бенедикт XVI почнал да ја предводи процесијата, а уште повеќе десетина илјади ја следеле преку огромен екран поставен на истоимениот плоштад.Во текот на процесијата една жена се обидела да ја прескокне оградата која го обезбедувала просторот во центарот на црквата во кој богослужбата ја извршуваат Папата и кардиналите, Притоа Папата ја изгубил рамнотежата, но набрзо се подигнал, извести италијанската агенција Ansa.Во метежот што настанал паднал и францускиот кардинал Роже Етшегареи, кој бил однесен во болница на преглед. Женета чие име не е соопштено, но според медиумите е 25-годишната Сузана Мајоло, била приведена во полицијата, јавува Ansa, а според нејзините информации станува збор за психички нестабилна личност. Таа била приведен од ватиканската стража, позната како Швајцарска гарда.Официјален Ватикан претходно ги отфрли шпекуалциите дека поместувањето на полноќната богослужба за 22 часот е заради нарушеното здравје на 82-годишниот Папа.Според портпаролот на Светата столица, Фредерико Ломбарди, поместувањето на сатницата е „поради други божикни обврски на Папата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.