Свет
Во воздушен напад во Јемен загинал водачот на шиитските бунтовници
Водачот на јеменските шиитски бунтовници бил убиен во воздушниот напад на јеменските сили за безбедност од 24-ти декември, пренесоа светските агенции, повикувајќи се на соопштение објавено на сајтот на јеменското Министерство за одбрана и на информација на саудиската телевизија Ал Арабија
Абдул Малик ал Хути бил тешко ранет во воздушниот напад, во кој загинаа 34 борци на Ал Каеда и исламисти, кои беа собрани со јеменската провинција Шабуа, на 650 километри источно од главниот град Сана, за да го договорат реализирањето на планираните атентати.Телевизијата Ал Арабија соопштува дека тој веќе бил погребан во градот Џабел Толан, во округот Малахит, во јеменската провинција Саада. Хути беше на чело на шиитското движење кое се крена против централната власт во Јемен. Борците од ова движење се нарекуваат хути, според името на нивниот лидер. Засега шиитските бунтовници во Јемен не ја потврдија веста за загинувањето на нивниот лидер. Во минатото неколку пати се тврдеше дека Хути е убиен, но подоцна се покажа дека овие тврдења не се точни.Според јеменските власти нападот бил извршен во четврток в зори во покраината Шабва во близина на границата со Саудиска Арабија, врз локација каде според разузнавачите се одржувал состанок на келии на терористичката организација Ал Каеда.„Нападот беше изведен во моментот кога се состанале повеќе десетици членови на Ал Каеда во племенскиот регион Шабва“, изјавил неименуван разузнавачки извор за Associated Press.Наводно на состанокот бил присутен и првиот човек на Ал Каеда за Арабискиот полуостров, Насер Ал Вајџи, а во нападот биле убиени високо позиционирани личности од оваа терористичка мрежа.Минатата седмица во ист ваков воздушен напад во покраината Абџах, според јеменските власти биле убиени околу 30-тина членови на Ал Каеда а беа уапсени исто толку нејзини припадници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.