Свет
Темнокожа девојка цел на кинеските расисти
Лоу Јинг е 20-годишна девојка чија слава во шоуто „Ангел на истокот“ (киенска варијанта на избор на аматерска ѕвезда) го предизвика гневот на кинеските расисти
Она што и’ се случува на девојката последните месеци, придвижи голема јавна расправа во најнаселената држава во светот околу расниот и националниот идентитет на Кинезите. Лоу Јинг потекнува од Шангај, и како што пренесуваат тамошните медиуми и кога зборува мандарински и кинески, во нејзиниот говор силно се чувствува шангајскиот дијалект. Но често ја прашуваат како толку добро го зборува кинескиот јазик, на што таа одоговара едноставно – бидејќи е Кинеска. А прашањето доаѓа, затоа што таа има црна кожа. Таа живее само со мајка си која е Кинеска, а нејзиниот биолошки татко кој никогаш не го запознала е Афроамериканец. Тоа досега не и’ претставувало особен проблем, но откако се пријавила на телевизиското шоу за избор на талент и почнала да ги освојува симпатиите на гледачите, добивајќи ги епитетите „темно чоколадо“ и „црн бисер“, нејзината појава предизвика голема полемика во кинеското општество. На бројните кинески итнернет-форуми, огромен бил бројот на невкусни и навредливи коментари за нејзината „бесрамна појава на националната телевизија“. Многумина истакнувале дека нејзиниот темен тен не дозволува таа да биде сметана за привлечна на традиционален кинески начин. Други тврделе дека таа не може да се смета за вистинска Кинеска и дека не смее да претствува во јавноста еден така значаен кинески град како што е Шангај. Дури имало пораки „да исчезне од Кина“ и дека „таква каква што е (се мисли на тенот на кожата), не требала никогаш ни да се роди“.Нејзините професори од факултетот за телевизиски уметности на Шангајската драмска академија, пак, се разгневени од масовната ксенофобичност предизвикана од појавата на младата Јинг.„Како што Кина продолжува да се отвора кон светот, вакви нешта се’ почесто ќе се случуваат. Тоа е дел од процесот на интернационализација и ни останува надежта дека Кинезите, вклучувајќи ги и веб-активистите и оние со екстремни гледишта, ќе ја прифатат вистината дека постојат луѓе кои се раѓаат со мешање на расите“, изјавил Дејвид Цвејг, професор по хуманистика и општествени науки на Хонхоншкиот научно-технолошкиот универзитет.Сега Лоу Јинг се присетува дека кога била малечка, другарките биле убедени дека таа има потемна кожа затоа што јадела многу темно чоколадо или затоа што премногу во исхраната користела сос од соја. Дури и баба и’ измислила приказна за нејзиното прашање, дека мајка и’ додека била трудна земала традиционални кинески лекови. Дури на 16 години ја дознала вистината за нејзиниот татко. Таа сега се чувстува многу непријатно и размислува да замине за Њујорк, каде што би студирала меѓународна и надворешна политика.Во американските медиуми кои ја третираа оваа појава во Кина, државата која најбрзо економски се развива и претставува голема конкуренција на САД, се забележува дека уште во 70-тите години на странците во Кина им беше главно забрането да живеат. Во Кина официјално постојат 56 етнички групи, а на најбројната Хан, и’ припаѓаат 92 отсто од милијарда и 350 милиони луѓе. Интересно е што кога ќе се роди дете, родителите се должни да ја впишат и неговата етничка припадност, но не постои категорија за дете од етнички или расен мешан брак. А според податоците од шангајските власти, во периодот од 1994 до 2008 г. во просек секоја година се склучуваат по три илјади мешовити бракови повеќе од претходната. Но, очигледно предрасудите остануваат неизменети. За оваа загрижувачка појава за Кина, сведочи и жестоката расправа што во 2008 г. се водеше околу настапот на Динг Хуи во одбојкарската репрезентација. Повторно проблемот беше што тој потекнува од африканско-кинески брак. Тој сепак на крајот настапи за кинеската репрезентација, иако протестите и критиките на расистите не стивнуваат ни денес. Научниците од општествените науки, сметаат дека иако Кина го нема „белечкото“ расистичко искуство во смисла на освојување други континенти, таа се ширела и се наметнувала во соседството. Таквото нејзино дејстување трае со векови, а низ илјадниците години на оваа цивилизација, таа често и се самоизолирала, па и кинеското име за државата описно значи „централно царство“, што го обајснува создавањето на менталитетот на Кинезите како народ кој себеси се доживува како центар на светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.