Свет
Нов напад на христијанска црква во Малезија
Уште една црква е нападната во понеделникот во Малезија, деветта во последните пет дена, како последица на тензиите откако беше донесена одлука немуслиманите да можат да го употребуваат терминот „Алах“ за Господ
Во последниот напад врз христијанската заедница во Малезија, била запалена вратата на Евангелистичката црква во сојузната држава Негери Сембилан на островот Борнео, пренесе Associated Press. Во нападот нема повредени. Пасторот Еди Марсон Јасир изјавил дека локалната полиција му одговорила дека околностите се’ уште се испитуваат, но дека нема траги од употреба на Молотови коктели, како што беше случај во претходните напади.Нападите врз христијанските светилишта кои траат од петокот внесоа големи тензии во Малезија, а христијанската заедница почнува да се чувствува небезбедно, пренесуваат локалните медиуми. Тие додаваат дека односите со мнозинската муслиманска заедница стануваат се’ позатегнати. Малезија има 27 милиони население, од кои 60 отсто се муслимани, а десет проценти се христијани. Нападите врз христијанските објекти уследија по донесувањето на судската одлука со кои на немуслиманите им се дозволува да го употребуваат терминот Алах за Господ.Владата на Малезија во петокот поднесе жалба на пресудата. Муслиманите ја сметаат употребата на Алах ексклузивно право само на исламот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон изјави дека „постои ризик Европа да умре“ за време на говорот на Универзитетот Сорбона во Париз.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува Ројтерс.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.