Свет
Саркози се залага за двојазична Франција?
Инвазијата на англиски зборови е поголема закана за францускиот национален идентитет од нацистичката окупација, сметаат група самопрогласени бранители на францускиот јазик, пренесуваат европските медиуми
Avenir de la langue française (Иднината на францускиот јазик) и уште осум други групи ја повикаа владата на Франција да стави крај на англиското влијание во Франција, објавувајќи го повикот во два дневни весници во Франција.Цитирајќи го Мишел Серес, водечки француски филозоф, тие предупредуваат: „Има повеќе англиски зборови на ѕидовите низ Париз отколку германски зборови во времето на нацистичката окупација“.Бранителите на јазикот излегоа со податок дека 80 отсто од францускиот идентитет се темели врз употребата на францускиот јазик.Според нив, најголемата окупација со англиски јазик ја прават големите мешани компании, кои своите логоа, како и пораки во рекламите ги прават на англиски јазик. Дури и најбрзиот железнички превозник, СНЦФ има нов билет наречен TGV Family.Унијата на работотдавци има англиски слоган Ready for the future (Подготвени за иднината).Претседателот Николас Саркози, чиј англиски јазик е рудиментиран, како што пишуваат весниците, наместо да го чува и негува францускиот јазик, според бранителите на францускиот јазик, бил опседнат со идејата да ја направи Франција двојазична земја.
Тој воопшто не се залагал за зачуување на употребата на францускиот јазик во институциите на Европската Унија, тврдат тие.
Имено, дури 40 отсто од документите на Европската комисија во 1997 година биле на француски јазик, а на англиски 45 отсто. Во 2008, процентот на француски јазик паднал на 14, наспроти 72 отсто за англискиот, а лани на француски јазик биле напишани 11 отсто од документите. Групите бранители на францускиот јазик бараат голема национална дебата по тоа прашање, затоа што сметаат дела „планираното самоубиство не смее да продолжи во тишина“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.