Свет
Три милиони луѓе под ведро небо по земјотресот на Хаити
Три милиони луѓе ги напуштиле своите домови по разорниот земјотрес што се случи вчера на Хаити, соопшти Интернационалниот Црвен Крст. Меѓу загинатите, најверојатно е и шефот на мировната мисија на Обединетите нации
Хаити се опоравува од силниот земјотрес што го погоди островот вчера попладне. Поради слабите комуникации тешко е да се утврди точниот број на жртви и материјална штета на територијата на островот.Портпаролот на Интернационалниот Црвен крст, Пол Конели, вели дека најмалку три милиони жители на островот се надвор од своите домови, а еден или два дена се потребни за проценка на штетите и организирано пристапување кон нивно санирање. Илјадници градби беа оштетени од земјотресот, соопштуваат светските агенции, меѓу кои и владините институции на Хаити и зградата на Обединетите нации во главниот град Порт-о-принс.Кинеските медиуми пренесуваат дека осуммина кинески мировници загинале при земјотресот, а десет се сметаат за исчезнати. Францускиот министер за надворешни работи вели дека шефот на мировната мисија на ОН, најверојатно е меѓу загинатите.Хаити како најсиромашна земја на Западната хемисфера е подложна на природни катастрофи. Растргната меѓу политичка нестабилност и сиромаштија, а погодувана од неколку урагани во 2008 година, Хаити се соочува со проблеми при опоравувањето од земјотресот. Присуството на мировниците на ОН им дава надеж на граѓаните на Хаити дека спасувањето на преживеаните, расчистувањето и реконструкцијата на градбите ќе биде многу поорганизирана и ќе се случи навремено.„Добрата вест е што имаме многу организации на територијата на Хаити“, вели Елизабет Франк, претседател на глобалната програма на AmeriCares, која праќа медицинска помош на Хаити. „Затоа ќе видите овде една брза реакција, побрза од онаа на Мјанмар кога беше зафатен од циклон, бидејќи многу невладини организации се подготвени да помогнат“, додава таа.Земјотресот со јачина од 7 степени е најсилен во последните 200 години на Хаити. Повеќето првични фотографии, како онаа на разурнатата национална палата во главниот град, брзо се најдоа на Фејсбук и Твитер. Поха Батиа, кореспондент за надворешни работи, вели дека многу куќи во нејзината околина се разурнати, дека телефонските линии се во прекин, но дека луѓето не се во паника. „Многумина од нив дури пеат и чекаат, надвор под ѕвездите“, напишала Батиа во електронското писмо.Други официјални лица во мејловите што ги испратиле до своите колеги сведочат за хаосот по земјотресот, за разурнати куќи и згради по главните улици на Порт-о-принс, како и за „многумина кои се повредени, а не можат да си помогнат себеси“. Сведочат дека полицијата и силите на ОН се на терен и помагаат да се надмине ситуацијата.Во Вашингтон, одржан е вонреден состанок за брз одговор на ситуацијата во Хаити.„Подготвени сме да им помогнеме на луѓето од Хаити“, вели претседателот на САД, Барак Обама. Хилари Клинтон, државниот секретар, извести дека САД праќаат цивилна и воена, како и хуминитарна помош во Хаити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германија уапси две лица: соработувале со Русите, планирале да ја саботираат армијата
Две лица, кои освен германско државјанство имаат и руско државјанство, се уапсени во Германија поради наводно планирање саботирање на воени објекти, вклучително и американски, со цел да ја поткопаат воената поддршка за Украина, соопшти денеска германското обвинителство. Властите извршија претрес во домовите и работните места на двајцата осомничени, кои се обвинети дека работеле за странска тајна служба, се наведува во соопштението на обвинителството.
Еден од осомничените, идентификуван како Дитер С., разговарал за можни заговори со лице поврзано со руската тајна служба од октомври 2023 година, се посочува во соопштението.
Дитер С. подготвувал бомбашки напади и палење во воени објекти, вклучително и оние со кои управуваат американските сили, се додава во соопштението.
Според магазинот „Шпигел“, еден од објектите е воената база „Графенвоер“ во јужната сојузна држава Баварија, каде што украинските војници се обучуваат да управуваат со американските тенкови „Абрамс“. Руската амбасада во Берлин не одговори веднаш на барањето за коментар.
„Намерата на акциите беше да се поткопа воената поддршка што Германија и ја дава на Украина против руската воена агресија“, се вели во соопштението на германските обвинители.
Свет
Уште еден земјотрес ја погоди Турција
Земјотрес со јачина од 3,9 степени според Рихтеровата скала утрово ја погоди Турција.
Земјотресот се случил на длабочина од 11 километри, во областа Гоксун во Кахраманмараш.
Засега нема информации за евентуални жртви и материјална штета.
Турција синоќа беше погодена од земјотрес со јачина од 4,7 степени според Рихтеровата скала. Земјотресот се случил на 46 километри јужно од Турхал, на длабочина од 10 километри.
Свет
Поранешниот директор на Мосад за нападот на Иран: Сите опции се „на маса“
Поранешен директор за разузнавање во израелската разузнавачка агенција Мосад вели дека таргетирањето на нуклеарните објекти во Иран е една од опциите за одговор на нападот врз Израел, пишува „Sky News“.
Зохар Палти зборуваше за можните форми на одговор откако Иран истрела повеќе од 300 проектили и беспилотни летала кон Израел.
Запрашан дали сè е на маса, вклучително и таргетирање на нуклеарни постројки, Палти рече: „Нема прашање. Сè е на маса во моментов“.
Запрашан дали тоа вклучува нуклеарни постројки, тој рече: „Вклучувајќи сè“.
Иран во неделата привремено ги затвори своите нуклеарни постројки од „безбедносни причини“.
Нападот врз Израел уследи по наводниот смртоносен израелски напад врз иранскиот конзулат во Сирија. ИДФ соопшти дека 99 отсто од оружјето испукано кон Израел не успеало да навлезе во неговата моќна противвоздушна одбрана.
Сепак, како што пренесуваат медиумите, израелската влада нема да изврши одмазда за масовниот ирански напад на израелска територија минатиот викенд.