Свет
Научниците со години предупредувале за разорен земјотрес на Хаити
Сеизмолозите со години наназад предупредувале дека карипскиот остров Хиспањол кој Хаити го делат со Доминиканска Република е под закана од катастрофален земјотрес бидејќи лежи на тектонска раседлина
Петмина научници својот труд во кој се предупредува на можен силен земјотрес во регионот го претставиле на 18-та Карипска геолошка конференција во март 2008 г. во Сан Доминго, во Доминиканска република, нагласувајќи дека целиот регион на раседлината на јужната страна на островот претставува голема сеизмичка опасност. Земјотресот што утринава го погоди Хаити со силина од 7,3 степени по Рихтер се случил токму по должината на оваа раседлина во зоната позната како Енрикуљо-Плантан Гарден.„Ние бемве загрижени заради тоа. Проблемот со тој вид удар е дека може да остане во мирување, заспан, со стотина години. Затоа е тешко да се предвиди што ќе се случи“, изјавил за CNN еден од авторите на споменатиот труд, Пол Ман, истражувач од Институтот за геофизика на Универзитетот Тексас.Наодите на овој тим стручњаци следеле по истражувањата објавени во 2004 г. во магазинот Journal for Geophisycal Research во кои двајца научници утврдиле зголемена опасност од земјотрес во раседлината Септемтрионал која се протега долж долината Цибао на северот од Доминиканска Република. „Тоа е едно од најсеизмичките подрачја во светот. Геолозите не би требале да биде изненадени со земјотресот“, изјавил еден од авторите на таа студија, Јиан Лин од Океанографскиот институт Вудс Хол во Масачусетс. Според него, дека земјотресот, заради тоа што епицентарот бил многу блиску до главниот град и затоа што станува збор за многу густо населено подрачје и во сиромашна земја со слаби градби може да предизвика многу жртви.Мајкл Бланпејд, помошник на координаторот на Програмата за истражување на опасности од земјотреси при Геолошкиот институт на САД, на интернетската страница на институцијата вели дека од исток на запад на Хаити се протега тектонски расед кој ја дели Северноамериканската и Карипската тектонска плоча и дека при сабајлешниот земјотрес дошло до нивно хоризонтално придвижување. Последиците се катастрофални, бидејќи станува збор за релативно плиток замјотрес, епицентарот е на длабочина од само осум километри, смета Бланпејд. „Три нешта ја одредуваат силината на земјотресот: локацијата, длабочината и магнитудата. Овој земјторес е лоциран релативно плитко, затоа населените подрачја во близина на овој расед се многу силно затресени“, вели научникот. Во главниот град Порто-о-пренс се урнати илајдници згради и други објекти, а хаитскиот премиер Жан-Макс Белериве изјави во средата доцна попладне дека се страхвуа дека бројката настрадани може да биде многу поголема од сто илјади. На поширокото подрачје на градот живеат меѓу 2,5 и 3 милиони жители, од вкупно 9,6 милиони жители. Хаити е најсиромашната држава на Западната хемисфера со дури 80 отсто од населението кое живее под границата на сиромаштија, од кои половината заработуваат помалку од 400 долари годишно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.