Свет
По пет дена ја извлекле од урнатините
Пет дена откако Хаити беше погоден од катастрофален земјотрес, спасувачките екипи од под урнатините извадиле жена, целосно дехидрирана но неповредена
Акцијата за спасување на жената била проследена до одушевување и со аплаузи од граѓаните на разурнатиот главен град Порт-о-пренс.Се’ уште не се знае бројката на загинатите во земјотресот со магнитуда од 7,3 степени по Рихтер кој во вторник ја погоди оваа карипска држава. Стручњаците кои учествувале во вакви спасувачки акции, велат дека климатските прилики и релативно лесните градби овозможуваат под урнатините да бидат пронајдени преживеани и по неколку денови мианти под нив.Според информациите од хуманитарните организации и спасувачките екипи, што ги пренесува Светската здравствен организација, само хаитските служби досега од под урнатините извлекле околу 20 илјади тела, но на оваа бројка не се додадени мртвите кои ги пронашле самостојните спасувачки екипи и семејствата. Панамериканската здравствена организација бројката загинати во земјотресот се движи меѓу 50 и 100 илјади, но има и проценки кои достигнуваат и до 200 илјади мртви. Повредени досега се регистрирани околу 250 илјади Хаитјани а без домови останаа 1,5 милиони жители.Според документот што го објави Канцеларијата за координација на хуманитарните акции при Обединетите нации (Ocha), според податоците од хаитскиот Црвен крст, се проценува дека загинале меѓу 40 и 50 илјади луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.