Свет
Индија предупредува на можни киднапирања авиони
Индиското министерство за внатрешни работи препорача дополнителни мерки на сигурност за индиските авионски летови поради можни закани од милитанти за киднапирање авиони на националната компанија Еар Индија, пренесува Ројтерс
Предупредувањето пристигнува непосредно пред Денот на Републиката, што е во втоник, кога вообичаено се преземаат поголеми сигурносни мерки.Индија ги засили безбедносните мерки од евентуални закани од милитанти по нападите во Мумбај во 2008 година, кога беа убиени 166 луѓе што ја подигна тензијата со нуклеарно вооружениот сосед Пакистан.„Ги предупредивме сите од цивилната авијација на можни обиди за киднапирање авиони на индиските летови“, изјавил за Ројтерс специјалниот секретар за внатрешна безбедност, У.К. Бансал.„Ова најверојатно доаѓа од терористички групи кои се основани да работат против интересите на Индија“, додал тој, но не прецизирал за кои групи се работи.Портпаролот на Еар Индија не ги коментирал заканите, но рекол дека до крајот на денот ќе излезат со официјално соопштение. Министерството за внатрешни не препорачува откажување летови, но предлага да се преземат дополнителни безбедносни мерки, информирал Бансал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.