Свет
Во Лондон почна конференцијата за Авганистан
Британскиот премиер Гордон Браун на почетокот од конференцијата за Авганистан најави дека меѓународната заедница на талибаните ќе им понуди финансиски средства за да ги охрабри да се откажат од насилството и да се вклучат во мировниот процес
Премиерот Гордон Браун отворајќи ја конференцијата истакнал дека овој меѓународен фонд би понудил своевидна стопанска алтернатива за бунтовниците кои ќе го отфрлат насилството. „Меѓутоа, во однос на оние бунтовници кои ќе го одбијат ова, нема да имаме поинаква алтернатива, отколку воено да ги гониме“, изјавил Браун, како што пренесува BBC.Британскиот министер додал дека пораката на меѓународната заедница за Ал Каеда мора да биде јасна, а таа според Браун е дека терористите ќе бидат поразени, и тоа не само на бојното поле, туку и „во срцата и во главите на сите луѓе на светот“. Авганистанскиот претседател Хамид Карзаи најави дека во Лондон на бунтовниците ќе им биде понуден нов мировен договор, а на нивните лидери дури и министерски места. На меѓународната конференција за Авганистан во Лондон која е во заедничка организација на британската и авганистанската влада, учествуваат и авганистанскиот претседател Хамид Карзаи, генералниот секретар на ОН Бан Ки-Мун, генералниот секретар на НАТО, Андрес Фог Расмунсен и државната секретарка на САД, Хилари Клинтон.Кaко што пишува Reuters, целта на лондонската конференција е да се обнови и утврди поддршката на меѓународната заедница за напорите на властите да ја обноват и изградат земјата. Водачите на талибаните пред конференцијата порачаа дека тоа е „губење време“„Имаше и во минатото слични конференции, но ниедна не го реши авганистанскиот проблем а тоа ќе се случи во Лондон“, соопшти во средата Советот на талибанската команда, пренесоа агенциите.На конференцијата, присуствуваат уште претставници на 60 земји, присутен и македонскиот министер за надворешни работи Антонио Милошоски, кој попладнево треба да се сретне со алтернативниот министер за надворешни работи на Грција, Димитрис Друцас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Огромна дупка во Рим проголта два автомобили
Огромна дупка се отвори на улица во југоисточен Рим и проголта два паркирани автомобили.
Дупката со дијаметар од 10 метри и длабочина од околу 10 метри се отворила во раните утрински часови, јавуваат италијанските медиуми, повикувајќи се на локалната полиција.
Фотографиите и видеата од огромниот кратер брзо се проширија на социјалните мрежи.
MASSIVE SINKHOLE ÖFFNET SICH BEI ROM! – 28.3.2024
In der Nacht öffnete sich in Rom ein riesiges Sinkhole, das zwei Autos verschluckte. Ein drittes blieb in der Schwebe. Das Sinkhole öffnete sich in der Via Sestio Menas in Quadraro in Rom. pic.twitter.com/51aNnxhT46
— Ramses 🇨🇭 (@RS38900) March 28, 2024
Нема извештаи за жртви, а службите за итни случаи соопштија дека за време на инцидентот немало луѓе на улица. На местото на настанот пристигна локалната полиција и пожарникарите.
На фотографиите се гледаат други автомобили паркирани покрај дупката, кои морале да се отстранат.
Во поголемите италијански градови често се отвораат кратери. Кон крајот на февруари, огромна дупка во Неапол, јужна Италија, проголта неколку автомобили во прометна населба.
Дури и во Рим ваквите инциденти не се ретки. Една од причините за тоа е староста на италијанската престолнина, каде стотина години се вршат ископувања и градежни работи.
Свет
Полска истражува наводна руска шпионажа
Полската агенција за внатрешна безбедност изврши претреси како дел од истрагата со други европски безбедносни служби за наводна руска шпионажа, беше соопштено денеска.
Полска, западниот воен центар за снабдување на Украина, која се бори против руската инвазија, вели дека станала главна цел на руските шпиони. Ја обвинува Москва и нејзиниот сојузник Белорусија дека се обидуваат да ја дестабилизираат.
„Документирани се акции насочени кон организирање проруски иницијативи и медиумски кампањи во земјите на ЕУ“, се вели во соопштението, повикувајќи се на интернет порталот voice-of-europe.eu, за кој велат дека објавил проруски материјали.
Претресите беа извршени во вторникот во Варшава и Тихи во западна Полска, се вели без дополнителни детали.
Операцијата била координирана со други земји, особено со партнери од Чешка, се наведува.
Во средата, чешката влада санкционираше две лица, меѓу кои и прорускиот украински политичар Виктор Медведчук и интернет порталот voiceofeurope.com, за, како што рече, водење на операција за проруско влијание во Европа.
Последните дејствија произлегоа од истрагата завршена во јануари оваа година, во која полски државјанин беше обвинет под сомнение дека шпионирал за руските специјални служби.
Свет
Во Франција за Велигден ќе биде распоредена полиција пред секоја црква
Францускиот министер за внатрешни работи Жералд Дарманин денеска им нареди на полициските началници да распоредат сили за ред пред сите католички и протестантски цркви за време на Велигден.
Во СМС порака до полициските началници, Дарманин напиша дека „многу високото“ ниво на терористичка закана и „продолжувањето на тензиите“ на меѓународната сцена, особено со војната во Газа и нападот во Москва, „бара исклучителна будност“. за време на велигденските празници овој викенд.
Тој, исто така, додаде дека е неопходно да се воспостави „визуелна контрола на луѓето кои влегуваат во верските објекти за да се откријат сомнителни лица“ и дека „посебно внимание треба да се посвети на „возилата стационирани во близина на големите собири“.
Дарманин дал инструкции за „зголемено физичко присуство на полицијата пред секоја црква или еврејски храм“ од петок до крајот на неделата.
Од почетокот на годината во Франција спречени се два напади. Националното обвинителство за тероризам објави дека еден од тие напади вклучува „џихадистичка идеологија“ насочена против католичка институција.
Велигден, со кој се слави Христовото воскресение, е најголемиот христијански празник. Католиците и протестантите го слават овој викенд, а православните верници на 5 мај.