Свет
САД загрижени од напад на Израел врз Иран
Командантот на здружениот штаб на американската армија, адмиралот Мајкл Малин, изјавил дека е загрижен за евентуални последици од потенцијален израелски напад на иранските нуклеарни постројки
„Потенцијален почеток на судир со Иран би претставувал извонредно голем проблем за сите нас и можам да речам дека сум многу загрижен за евентуалните последици од таквиот напад“, изјавил адмиралот Мајкл Малин по пристигнувањето во Тел Авив на конференцијата организирана од израелското Министерство за одбрана.
Но, Малин додал дека американскиот претседател Барак Обама многу јасно кажал дека од политички аспект, Иран не може да има нуклеарно оружје.
Адмиралот Малин во недела допатува во Израел на покана од неговиот колега, израелскиот командант, генералот Габи Ашкенази. Притоа ќе се сретне со високите воени функционери и со министерот за одбрана Ехуд Барак.
Истовремено во прва посета на Русија престојува израелскиот премиер Бенјамин Нетанјаху. Иако засега нема изјави од неговите средби со првите луѓе на Кремљ, познато дека целта на посетата е разговори за ситуацијата со Иран кој почна да збогатува ураниум до 20-отстотно ниво во сопствена лабораторија. Иако Техеран тврди дека овој ураниум му е потребен за медицински цели, а нуклеарните постројки за добивање струја, западните земји се сомневаат дека развива нукеларно оружје.
Израел кој повеќепати е посочуван како главна цел на евентуален Иран не крие дека има разработен план за бомбардирање на овие ирански постројки. Во 2008 г. Тел Авив упатил барање за заеднички или самостоен напад врз Иран, но тогашниот американски престедател Џорџ Буш Помладиот го одбил. Потоа, високи израелски воени функционери изјавуваа дека нивната земја е подготвена и способна и самата да изврши превентивен напад врз Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.