Свет
Авион-затвори на CIA слетувале во Полска
Дневниците на летови кои ги презентирале полските функционери потврдуваат дека авионите на CIA слетувале во Полска во текот на 2003 г.
Станува збор за летови за кои организациите за човекови права се сомневаат дека биле употребувани за префрлување на осомничените за тероризам од Авганистан на тајни и локации во источно европски држави и во некои азиски земји.Дневниците на полската агенција за воздухопловен сообраќај покажуваат дека авионите кои ги изнајмувала централната разузнавачка агенција на САД најмалку шест пати слетале во Полска во текот на 2003 г., соопштија претставници на Open Society Justice Initiative и на Хелсиншкиот комитет за човекови права, Тие го бараа обелоденувањето на овие дневници според полскиот закон за слобода на информирањето.Според дневниците, во Полска на тајни локации долетале пет авиони од авганистанскиот главен град Кабул и еден долетал од Мароко. Според Дорота Пудзиановска oд полскиот Хелсиншки комитет, ова претставува голем напредок. Таа додала дека особено е важно што овие информации дошле од државните агенции а не од анонимни извори.Организацијата Human Rights Watch чие седиште е во Њујорк во својот извештај од 2005 г. тврди дека во Полска имало тајни затвори на CIА во кои биле префрлувани осомничени за тероризам од Авганистан. „Потврдувањето на тоа дека во Полска слетале авиони поврзани со CIA, не докажува дека во Полска имало нејзини затвори“, рекол Адам Боднар од Хелсиншкиот комитет. Тој рекол дека не може да тврди 100-отстотно но дека 98 отсто е сигурен и побарал од полските власти да дадат целосна информација за полската улога во контроверзниот транспортот на осомничени. И Македонија беше вмешана во еден ваков случајГерманскиот државјанин со либанско потекло Калед ел Масри ја тужи Германија, бидејќи државата формално не побарала екстрадиција на агентите на CIA кои според него во 2003 г. го киднапирале во Скопје. Против Македонија засега нема никаква постапка. Во тужбата против германската влада се вклучи и Европскиот центар за уставни и човекови права, кој утврдил дека на eл Масри му се прекршени основните права и човекови слободи. Адвокатите на Ел Масри во САД поднесоа тужба за надомест на штета, но таа беше одбиена. Во Германија, пак, е поведена кривична постапка против агентите на CIA. По нив е издадена потерница, но формално Германија никогаш од САД не побарала нивна екстрадиција. Случајот eл Масри го отвори прашањето за тајните затвори на CIA, но целата работа остана неразјаснета.Четириесет ишест годишниот Калед ел Масри тврди дека на 31 декември 2003 г. на граничниот премин Табановце од македонски службени лица бил симнат од автобус, потоа однесен во скопскиот хотел „Скопски мерак“ каде што бил држан во заложништво 21 ден. Оттаму преку скопскиот аеродром бил предаден на лица, наводно агенти на CIA, кои со авион го пренеsле во Авганистан. Таму бил држен во затвор пет месеци, a бил испрашуван под сомнение дека е припадник на Ал Каеда. Откако Американците констатирале дека направиле грешка и дека во заточеништво држат погрешен човек, а не озлогласениот водач на франкфуртската келија на Ал Каеда кој имал исто име и презиме, тие го вратиле во Албанија од каде што експресно бил екстрадиран во Франкфурт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Руски борбен авион се урна кај Севастопол
Рускиот борбен авион Су-27 денеска се урна во морето во близина на кримското пристаниште Севастопол, а веста ја потврди и регионалниот гувернер Михаил Развозаев.
„Пилотот безбедно се катапултирал, а спасувачите на севастополската спасувачка служба го подигнале на оддалеченост од двесте метри од брегот. Цивилните објекти не се оштетени“, објави Развозаев на својот официјален канал.
Ein russischer Su-27 „Luftüberlegenheitsjäger“ ist vor der Küste Sewastopols brennend ins Meer gestürzt.
Russisches Militär behauptet Stock und Stein, dass es sich um einen „technischen“ Unfall und keinen versehentlichen Abschluss handelt.
Naaa ja. pic.twitter.com/8cWoc7jp4W— Julian Röpcke🇺🇦 (@JulianRoepcke) March 28, 2024
Се уште нема потврда како и зошто дошло до овој инцидент.
Медиумите првично објавија дека се урнал авионот Су-35, но се потврди дека се работи за моделот Су-27. Како што може да се види на снимката од несреќата, авионот се вртел во пламен на небото додека не паднал директно во Црното Море.
Регион
„Дете не може само така да пропадне во земја“ – соседот на исчезнатата Данка опиша што се случувало кобниот ден
Се вратив од училиште околу 14 часот, а половина час подоцна дојдоа две-три полициски патроли, ги следев да видам што се случува и дознав дека детето го нема. Вака Лука од Бор зборува за моментот кога исчезна девојчето Данка Илиќ (2).
Како што вели, кобното попладне веднаш се приклучил на полицијата во потрага по детето.
„Тука бевме до 22:30 часот. После тоа дојдоа уште дваесет патроли. Следната вечер пристигнаа два-три хеликоптери, како и беспилотни летала за термално снимање и кучиња трагачи. Таму беа бабата, мајката и дедото и малиот брат на Данка. Сите добро ги познавам“ изјави Лука, пренесува „Блиц.рс“.
Тој потсети дека семејството на девојчето живее во Бор и дека дошле во Бањско поле бидејќи таму имаат викендица.
„Се надевам на најдоброто. Се молам на Бога девојчето да е живо и здраво. Отпрвин мислевме дека, не дај Боже, паднала или нешто слично, но нема ништо“, вели соседот на семејството на исчезнатото девојче.
Потоа ја коментираше изјавата на мајката на Данка за исчезнувањето на нејзината ќерка.
„Сите велат дека отишла да земе вода. Детето не можело да пропадне во земја. Кога стигнав, мајката на Данка беше во солзи, како и нејзината баба. Бабата беше навистина потресена. Цел ден плачеше во автомобилот. Вечерта дошла Итната помош и и дала седатив за висок притисок. Подоцна ја однеле во итната медицинска помош“, вели младниот човек.
На прашањето дали мисли дека девојчето можеби е киднапирано, тој вели во тоа верува 100 отсто.
„Ако не е тука, не знам каде би можела да биде. Оваа улица не е прометна. Не знам како се случи“, заклучува Лука.
„Блиц“ потсетува пред фармата на која исчезна девојчето Данка Илиќ (2) во Бањско поле кај Бор, пристигна багер – комбајн за да може полицијата да го расчисти имотот. Во исто време, припадници на МУП повторно ги пребаруваат шахтите и јамите во споменатата населба. Сето тоа со цел да се најдат материјални докази кои ќе помогнат во пронаоѓањето на Данка. Багерот подоцна се преселил на имотот преку улицата, каде што собира дрвја и гранки.
Родителите на исчезнатата Данка Илиќ денеска во текот на денот се приведени во полиција за да го продолжат распитот кој вчера започна во полициската станица во Бор во врска со исчезнувањето на нивната двегодишна ќерка.
Неколку припадници на полицијата го раскопуваат просторот пред дворот каде девојчето исчезна пред точно два дена. Областа се бара за какви било траги.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.