Свет
Бројката загинати во Чиле надмина 700
Во недела навечер чилеанските власти соопштија дека потврдиле 708 смртни случаи, а сметаат дека најверојатно уште ќе се зголемува бидејќи се’ уште пристигнуваат информации од крајбрежните градови кои беа погодени од земјотресот а потоа и од цунами
Претседателката Мичел Бачелет изјавила во Сантјаго дека е потврдено загинувањето на 708 луѓе. Претходно беше јавено дека само во крајбрежниот град Консепсион кој е најблиску до епицентарот на земјотресот а потоа беше погоден и од цунами, има најмалку 350 загинати.Бачелет прогласи вонредна состојба во двата региона кои се најтешко погодени од катастрофалниот земјотрес и најави распределба на помош во храна, вода и лекови. Ова вонредна состојба всушност значи дека во овие региони Мауле и Биоба за триесет дена ќе бидат укинати уставните слободи, за да се гарантира одржувањето на јавниот ред и забрзување на распределувањето на помошта.Меѓународниот аеродром во главниот град Сантјаго, оддалечен од епицентарот повеќе од 600 километри, кој е затворен заради уривањето на терминалите, нема да биде отворен уште најмалку 48 часа. Според агенциите постои и опасност од уривање на целата зграда. Се очекува дека бројката на загинати во разорниот земјотрес и натаму ќе расте, а последиците од земјотресот чувствуваат околу два милиони луѓе.Инаку сеизмолошките станици во регионот од саботата наутро кога во 7.30 часот по македонско време се случи катастрофалниот земјотрес со силина од 8,8 степени по Рихтер, досега регистрирале повеќе од 90 послаби земјотреси со магнитуди меѓу 4,9 и 6,9 степени. Населението во погоденото подрачје страхувајќи од нов силен земјотрес, се’ уште останува под отворено небо.Очајното население од најпогодениот град Консепсион трага по прехранбени продукти и вода во урнатините од супермаркетите, па полицијата морала со солзавец да ги растерува, пренесуваат агенциите.Градоначалничката на Консепсион, Жаклин Ван Ризелберг изразила загриженост од можноста од појава од грабежи и побарала поддршка од армијата. А бидејќи во градот нема доволно полицајци и војници, сопствениците на продавниците самите се организираат за заштита на објектите. Катастрофалниот земјотрес според јачината се случи во сабота 7,34 минути по средноевропско време а имаше епицентар 91 километар од градот Консептион и 317 километри од главниот град Сантјаго, а на длабочина од 35 до 59,4 километри. Кусо време по првиот удар следел и втор, но со помала силина од 6,2 степени по Рихтер, а до вечерва се забележени повеќе од десет послаби земјотреси.Според чилеанскиот министер за внатрешни работи Едмондо Перез Јома, освен загубите на човечки животи, земјотресот предизвикал и големи материјални штети. Околу 1,5 милиони разни згради претрпеле поголеми или помали оштетувања. се уништени. Покрај урнатите згради и куќи, мостови и сообраќајници, во прекин е и снабдувањето со вода и со струја, интернетските и телефонските врски се’ уште не функционираат. Во главниот град Сантјаго, во прекин е авионскиот сообраќај заради уривање на терминали на аеродромот. Затворени се и линиите во подземната железница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.