Свет
Во Ирак се раѓаат деца со три глави и вишок прсти
Шест години по инвазијата на западните сојузнички војски предводени од САД и жестоките пресметки со бунтовниците во Фалуџа, во овој ирачки град почнале да се раѓаат деца со грозоморни малформации
Процентот на деформитети кај новороденчињата во Фалуџа е многу висок пишува BBC. Градот се наоѓа само на 65 километри оддалеченост од престолнината Багдад, но безбедносната ситуација во него е многу лоша, проценуваат западните аналитичари.
Заради тоа и многу е тешко да се спроведе веродостојно медицинско истражување кое би ги потврдило обвинувањата дека муницијата која во овие битки ја користеле американските војници и години подоцна претставува голема опасност за здравјето на жителите на Фалуџа.
Ирачката влада тврди дека бројката деца родени со деформитети незначително пораснала, меѓутоа лекарите од Општата болница во Фалуџа предупредуваат дека по два до три нови вакви случаи има речиси секој ден, а најмногу се оние кои имаат проблеми со срцето. Сведоци тврдат дека многупати од властите слушнале дека ги повикуваат жените да не раѓаат деца.
Моменталната состојба покажува дека бројот на деца родени со малформации е за 13 пати поголем од оној во Европа.
На новинарското прашање за причината за ваквата страшна ситуација, педијатарката Самира ал-Ани одговорила дека таа е лекарка и дека во нејзините извештаи мора да се придржува до науката.
„Немам ништо документирано. Меѓутоа, можам да ви кажам дека од година во година нивната бројка расте“, додала ал-Ани.
Новинарите забележуваат дека специјалистите од болницата во Фалуџа избегнуваат да разговараа за оваа тема, свесни дека нивните тврдења не се совпаѓаат со официјалните верзии на властите.
Меѓутоа, новинарите на BBC документирале повеќе десетици случаи на деца родени со аномалии,а на една фотографија имало дете кое се родило со три глави. Некои од случаите кои новинарите ги виделе лично при престојот во Фалуџа биле толку тешки, што воопшто не сакале да направат снимки од нив.
Во една куќа пoкрај реката Џулан каде било силно упориште на бунтовниците, екипата на BBC снимила дури три деца помалди од шест години со тешки здравствени проблеми. Две дечиња биел делумно парализирани, а нивната сестра имала тешки оштетувања на мозокот. Еден од соседите кога разбрал што истражуваат новинарите ја довел својата ќерка која на секоја нога и рака имала по шест прсти.
Во написот се заклучува дека вистинските размери на оваа трагедија ќе можат да се дознаат кога ситуацијата сосема ќе се смири и кога ќе може да се спроведе релевантна независна медицинска истрага. Погледни го прилогот
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.