Свет
„Приусот“ не му застанувал
Американските сообраќајни институции и компанијата Тојота испратиле истражители во Сан Диего да откријат што во понеделникот причинило да дојде до нагло забрзување на еден „приус“ кој го возел 61-годишник
Американскиот министер за сообраќај Реј Лахуд во вторник изјавил дека на вместото на инцидентот заминале двајца истражители од Националната управа за безбедност на патиштата, а во Калифорнија веќе од понеделникот била екипа истражители од сообраќајната полиција.Тојота издаде соопштение дека исто така испратила свои истражители.Џон Сикес во понеделникот возел по автопат која неговиот „приус“ одеднаш почнал неконтролирано да забрзува, а тој безуспешно се обидел да закочи. Сиот во паника тој веднаш го завртел бројот за итни случаи. Веднаш крај него дошло полициско возило преку чиј мегафон при веќе голема брзина му било објаснувано како да ја употреби рачната и обичната кочница и така да го забави возилото. Кога автомобилот доволно бил забавен, возачот го изгаснал моторот и полека успеал сосема да застане, додека полициското возило пред него го расчистувал патот. Целиот инцидент, според калифорниската сообраќајна полиција траел околу 90 минути. Сикес изјавил дека тој го однел својот автомобил во салон на Тојот откако дознал за јавниот повик за повлекување на 8,5 милиони возила на јапонскиот автопроизводител , но таму ми рекле дека неговиот модел не бил на списокот. Неконтролираното забрзување на возила на Тојота е доведено во поврзаност со најмалку пет смртни случаи од 2007 г. досега, а се истражуваат уште 47 вакви случаи.
Под истрага и „корола“
Американското министерство за сообраќај на 18-ти февруари отвори истрага за периодот од 2009 и 2010 г. за моделот „тојота корола“, кај кој се јавиле потенцијални проблеми хидрауликата. Со прелиминарната истрага се се испитуваат околу 500 илјада возила. И Toyota Motor Corp. претходно потврди дека примиле жалби за проблеми со хидрауликата на моделот „корола“ и како една од опциите што ги разгледуваат е повлекувањето на овие возила од американскиот пазар.Националната комисија за безбедност во сообраќајот на САД соопшти дека има примено околу 150 поплаки од возачите за истиот проблем за овој модел.Според американското министерство, бројката на жалби е мала во споредба со бројката продадени возила, а во истрагата ќе бидат земени предвид околу 363 илајди возила „тојота корола“ продадени во 2009 г, и 136 илјади „короли“ продадени само во јануари 2010 г.Во жалбите, возачите навеле дека ја губат контролата над управувачот на автомобилот, особено при поголеми брзини на отворен пат. Од производителот одговорија дека засега не им е јасно зошто се јавиле овие проблеми, но наведуваат дека може да биде поврзана со системот за сопирање или со гумите. Тие додаваат дека компанијата води внатрешна истрага но сè уште не била направен прелиминарнито извештај, но „Тојота“ изјави подготвеност да доколку се најдат дефекти целосно да бидат обесштетени сопствениците на таквите возила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ерменија се согласи да му врати на Азербејџан четири села во пограничната област
Портпаролот на азербејџанското Министерство за надворешни работи Ајкан Хаџизада соопшти дека Ерменија се согласила да му врати на Азербејџан четири села кои се наоѓаат на нивната заедничка граница.
„Како резултат на осмиот состанок на државните комисии за демаркација на државната граница меѓу Азербејџан и Ерменија, Ерменија се согласи да врати четири села во Азербејџан кои беа под окупација од почетокот на 1990-тите“, рече Хаџизада на социјалната мрежа Х.
Азербејџанските власти претходно изјавија дека враќањето на селото е неопходен услов за мировен договор што ќе стави крај на тридеценискиот конфликт меѓу двете земји, кои беа дел од Советскиот Сојуз.
Свет
Русија и Јордан предупредуваат на опасност од регионална ескалација
Русија вели дека имала контакт и со Израел и со нејзиниот сојузник Иран. Министерот за надворешни работи Сергеј Лавров изјави дека Русија јасно му ставила до знаење на Израел дека „Иран не сака ескалација“ како дел од овие разговори.
Јордан, кој ја дели границата со Израел и одигра улога во одбивањето на иранските ракетни и дронови напади минатиот викенд, исто така предупреди на „опасноста од регионална ескалација“ и повика на прекин на израелско-иранската одмазда.
„Ги осудуваме сите дејствија кои се закануваат да го вовлечат регионот во војна“, рече јорданскиот министер за надворешни работи Ајман Сафади. Низ Персискиот Залив од Иран, Обединетите Арапски Емирати велат дека мора да се најдат значајни решенија за тековните спорови и кризи на Блискиот Исток.
Нејзиното министерство за надворешни работи, исто така, повикува конфликтите да се решаваат преку дијалог и дипломатски канали.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.