Свет
Клинтон: Израел е соочен со тежок, но неопходен избор
Американската државна секретарка изјави дека еврејската држава е соочена со тежок, но неопходен избор на патот до постигнување мир на Блискиот исток бидејќи статус-кво ситуацијата со Палестинците според неа е неодржлива
„Статус-квото е неодржливо за сите страни. Тоа ветува само насилство и неостварени тежнеења.“, порачува државната секретарка Хилари Клинтон во говорот кој ќе го одржи пред Aмериканско-еврејското здружение AIPAC.
Говорот е предвиден за 14 часот по средноевропско време, кабинетот на Клинтон го објави претходно без ембарго, пренесува Reuters.
„Постои уште еден пат. Пат кој води кон безбедноста и напредокот за сите луѓе во регионот. За него е потребно сите страни, вклучувајќи го и Израел, да направат тешки, но неопходни избори“, се додава во говорот на американската државна секретарка.
Ваквата интонација во нејзиниот говор, по израелското објавување на плановите за градење нови станови што ги разниша американско-израелските односи, ја нагласува силната одаденост на администрацијата на претседателот Барак Обама на израелската безбедност и иднина, коментираат американските аналитичари.
„Гарантирањето на безбедноста на Израел, според мене претставува повеќе од политичко гледиште. Тоа е лично ветување кое никогаш нема да биде поколебано“, се вели натаму во говорот на Клинтон.
Но, според агенцијата, во говорот се споменува и дека должноста на САД е „да се каже вистината кога е потребно“, при што Клинтон го повикува Израел да преземе чекори за ставање крај на судирите со Палестинците „кој и’ се заканува за долгорочната иднина на Израел како сигурна и демократска еврејска држава“.
На собирот на AIPAC свое обраќање подоцна во понеделник ќе има и израелскиот премиер Бенјамин Нетанјаху. Потоа тој ќе замине за Вашингтон за да ги извести американските челници дека Израел нема да ја запре изградбата на еврејските населби околу Ерусалим, кој Палестинците сакаат да го прогласат за главен град на идната палестинска држава.
Американскиот потпретседател Џозеф Бајден кој пред две седмици остана без зборови на објавувањето за изградба на еврејските населби во источен Ерусалим во текот на неговата посета на Израел, Хилари Клинтон и другите високи претставници на администрацијата на претседателот Обама, остро го осудија овој потег на Тел Авив, сметајќи го за навреда на Соединетите држави и поткопување на мировниот процес.
Но набргу следеше жестока критика од Конгресот насочена кон администрацијата на Обама, заради неговото однесување кон Израел, која беше предводена од многу застапници блиски на моќното еврејско лоби во САД.
Американската администрација ги ублажи овие критики а пота следеше нов повик за Нетанјаху за состанок со Обама во Белата куќа.
Запирањето на изградбата на еврејските населби на палестинските подрачја е главниот услов на Палестинците за враќање на мировните преговори, а тоа барање е поддржано и од поголемиот дел од меѓународната заедница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.