Свет
Чеченија го осуди инцидентот во Москва
Претседателот на Чеченија, Рамазан Кадуров, ги осуди терористичките напади врз московската подземна железница, во кои загинаа околу 40 лица, а повеќе од 65 беа повредени. Писма со сочувство испратија и претседателот на Украина, Јушченко и генералниот секретар на НАТО, Расмунсен
„Не смееме да бидеме индиферентни во борбата против ова зло кое не повредува сите“, изјави Кадуров и додаде дека Москва е потресена од терористички напади кои имаат за цел да создадат хаос, да предизвикаат страв и недоверба и да ја поткопаат економијата во Русија.Чеченскиот претседател потсети дека илјадници луѓе загинале во терористички напади во Чеченија, вклучувајќи го и првиот чеченски претседател, Ахмад Кадуров, кој настрада во експлозија на бомба на стадион во главниот град Грозни во 2004 година. „Во овој тежок момент со цела одговорност тврдам дека ќе се бориме се додека терористите не бидат целосно уништени бидејќи невозможно е да се искорени злото само со убедување“, нагласи Кадуров и додаде дека виновниците за нападот мораат да бидат пронајдени и казнети.
Сочуство изрази и украинскиот претседател, Виктор Јушченко, до неговиот колега, Дмитри Медведев, по трагичната загуба на повеќе од 40 луѓе, во утринските експлозии. „Со длабока тага Украина ја дочека веста за трагедијата што се случи како резултата на експлозиите во московското метро, што предизвика бројни жртви. Нашата земја го дели чувството на неповратна загуба која ја зафати Русија“, вели во писмото со сочувство, претседателот Јушченко. Тој изрази жалење и сочуство и до фамилиите на настраданите. Генералниот секретар на НАТО, Андрес Фог Расмунсен, исто така изрази жалење по денешните екплозии во москва. Тој вели дека нема оправдување за терористичките напади против невини цивили.
Тој изрази сочувство на семејствата на настрданмите и им посака побрзо оздравување на повредените.
„НАТО останува посветена на соработката со Русија во борбата против меѓународниот тероризам“, вели Расмунсен.
Според информациите објавени на интернет страница што ја користат чеченските екстремисти, токму тие се одговорни за денешните терористички напади, објави дописникот на Си Ен Ен, иако засега нема официјална потврда за ваквите тврдења.
„Нема сомневање дека експлозиите во Москва се терористички чин“, изјави московскиот обвинител Јури Семин, додека шефот на руската Федерална служба Александар Вортников ги потврди сомнежите дека бомбите ги активирале жени самоубијци.
Рускиот претседател, Дмитриј Медведев, побара од безбедносните служби да се борат против тероризмот „без колебање, до крај“.
Медведев додаде дека Русија ќе делува бескомпромисно за да ги искорени терористите и нареди безбедносните служби да бидат распоредени низ земјата, но истакна дека човековите права мора да бидат почитувани за време на полициската истрага. Аналитичарите велат дека денешните напади се одмазда за неодамнешната воена операција во Чеченија во која загинаа повеќе од 20 радикални исламисти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.