Свет
Тајланд воведе вонредна состојба
„Црвените кошули“ за кратко го окупираа тајландскиот парлмент во средата, со цел да го зголемат притисокот врз владата да закаже предвремени избори, по што владата воведе вонредна состојба во престолнината Бангкок
Тајланд прогласи вонредна состојба во престонината Бангкок во средата, откако демонстрантите провалија во кругот на зградата на владата, присилувајѓи ги министрите да бегаат со хеликоптер, вклучувајќи го и премиерот Абхисит Вејџаџива,јави агенцијата Ројтерс.„Црвените кошули“ како што ги нарекуваат демонстрантите кои го поддржуваат протераниот поранешниот премиер Таксин Шинаватра, на одлуката за воведување воена состојба реагираа со повик до поддржувачите од руралните области на земјата да дојдат во престолнината во што е можно поголем број. „Ќе објавиме војна. Нема повеќе преговори“, изјави лидерот на демонстрантите, Арисман Понгруангронг. Вонредната состојба предвидува забрана за јавни собири од повеќе од пет луѓе и и дава широки овластувања на армијата, која го поддржува актуелниот премиер. Според владата, одлуката за воведување на вонредната состојба била со цел да се врати нормалниот начин на живот и да се зачува светоста на законот. Претходно, стотици демонстранти кои ја поддржуваат тајландската опозиција, таканаречени „Црвени кошули“ во средта се пробија низ слабииот кордон полицајци и навлегоа во кругот на тајландскиот парламент, но по 20 минути се повлекоа и се групираа пред зградата на парламентот. Внатре во зградата министрите имаа состанок на владата, но успеаја да си замминат пред да навлезат демонстрантите. „Црвените кошули“, кои го поддржуваат сменетиот премиер Таксин Шинаватрa, немаат намера да се откажат од притисокот врз актуелниот премиер Абхисит Веjџаџива и неговата влада, поддржана од тајландската армија и кралското семејство и ќе продолжат со деммонстрацииите, кои траат веќе четири недели, се додека не бидат закажани предвремени избори. Десеттици илјади „Црвени кошули“ од саботата ја држат окупирана крстосницата Рачапрасонг, која е главна трговска област во престолнината Бангкок и е полна со продавници и луксузни хотели, кои од саботата не работат. „од денеска, ќеги фокусираме нашите акции кон сите луѓе, места и деловни објекти кои се поврзани со Абисит“, изјави лидерот на демонстрацииите Натавут Саикуа и додаде дека протестите „ќе ги кренат на повисоко ниво“.Од своја страна, владата го прошири Актот за внатрешна безбедност и сега армијата има законска основа да воспостави ред, но на улиците нема знаци дека се подготвува некаква акција од нивна страна. Армијата, која е главен баланс на моќта во оваа земја, одбива да употреби сила за да ги растера демонстрантите. началникот на генералштабот Анупонг Паоџинда изјави дека нема оправдување за употреба на сила и покрај притисокот од страна на премиерот Абисит со сила да се врати редот и мирот.„Не смееме да употребиме сила затоа што тоа ќе предизивика жртви. Сепак и демонстрантите се Тајланжани“ изјави Паоџинда. Ова се најжестоки демонстрации на опозицијата откако во 2006 г. армијата со воен удар го смени двапати избраниот Таксин поради наводна корпуција и непотизам. Опозицијата има поддршка од руралните, иромашните и пониските слоеви на населението, додека актуеланата власт главно ја претставува урбаната елите.И овој викенд во Бангкок беа распоредени 50 илјади војници и полицајци, во очекување на демонстрантите кои ќе пристигнуваат од внатрешноста на земјата.Рокот кој му е даден на премиерот Вејџаџива да распише парламентарни избори е 12-ти април.Демонстрантите бараат од премиерот Абхист Вејџаџива да го распушти парламентот, сметајќи дека партиите кои го поддржуваат поранешниот премиет Таксин Шинаватра ќе победат на новите избори и ќе придонесат за поголема демократизација на земјата.Tаксин Шинаватра, кој пред извесно време престојуваше во Црна Гора чиј пасош поседува, постојано престојува во Дубаи каде е во доброволен егзил сакајќи да ја избегне затворската казна откако беше осуден за злоупотреба на функцијата и за проневера. Тој беше соборен со државен удар во 2006 г. и од тогаш е во бегство. Во отсуство е осуден на две години затвор, а по него од тајландските власти е распишана потерница на Интерпол.Бидејќи ниедна од од целите досега не им успеа, демонстрантите досега го привлекуваа вниманието на медиумите со акции како што се пролевање крв врз зградите на влезот од главниот град, врз седиштето на владејачката партија и куќата на премиерот. Сите протести досега беа мирни, затоа што нивните организаторите сметаат дека насилството ќе биде контрапродуктивно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.