Свет
Идентификувани 12 загинати кај Смоленск
Дванаесет тела на загинати во авионската несреќа кај рускиот град Смоленск во која загина и полскиот претседател Лех Качински, биел идентификвуани според облеката, изјавил за новинарите градоначалникот на Москва Лужков
„Ние го изразуваме нашето сочуство и тага со семејствта на загинатите во оваа трагедија. Се преземаат сите мерки поврзани со идентификувањето на загинатите и нивното испраќање во Полска, кои ќе бидат извршени во Москва, каде е формиран центарот“, изјавил московскио градоначалник Јуриј Лужков.Тој додал дека сите аеродроми во близината се подготвени во секое време да издадат дозволи за полетување и слетување на авиони за и од Полска и дека во мсоковските хотели се резервирани повеќе од 200 места за роднините на загинатите кои од синоќа почнаа да пристигнуваат во Москва. „Околу пладне се очекуваат уште неколку чартер летови од Варшава со роднини на настраданите“, додал Лужков. Според одлуката на руската влада, привремено е укинат визниот режим за полските државјани кои се роднини на загинатите во вчерашната авионска несреќа кај Смоленск во која загина полскиот претседател Лех Качински и неговата сопруга Марија, како и други 87 високи државни функционери и јавни личичности. Засега не се соопштуваат имињата на идентификуваните, а главното иднетификување на жертвите се очекува да биде извршено во ендела попладне. Доцна навечер во саботата беше соопштено дека Телото на загинатиот полски претседател е пронајдено на местот на несреќата како и двете „црни кутии“ останати во урнатините на авионот.За РИА Новости оваа информација ја потврдил висок државен службеник, Другите поединости не се објавуваат, освен дека на лице место биле иднетификувани уште неколку тела.Пронаоѓањето на двете „црни кутии“, на претседателскиот авион „Тупољев 154“ го соопшти рускиот министер за вонредни состојби Сергеј Шојгу, додавајќи дека веќе почнало нивното преслушување и експертиза.Портпаролот на партијата Право и праведност (PiS) во меѓувреме изјави дека братот близнак на претседателот и поранешен премиер на Полска, Јарослав Качински, исто така отпатувал за Смоленск.Според последните официјални информации на руското министерство за вонредни состојби дека во авионот се наоѓале 96 лица, од кои 88 членови на државната делегација кои патувала на 70-годишнината на масакрот во Катинската шума од 1940 г., која е 20 километри од Смоленск.Приближувајќи се кон воениот аеродром во Смоленск, авионот се урнал на два километра пред пистата. Според руските медиуми пилотот уште од белоруската контрола на летањето бил предупредуван да се спушти во Минск, бидејќи над Смоленск видливоста била многу мала, а авионот закачил во блиските дрвја откако по четврти пат се обидел да се приземји. Со истрагата од местото на несреќата раководи лично рускиот премиер Владимир Путин, а ќе присуствува и неговиот полски колега Доналд Туск.Руската истрага разгледува три можни причини за несреќата: лошите временски услови, човечка грешка или техничка грешка. Полска ќе спроведе своја независна истрага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полска истражува наводна руска шпионажа
Полската агенција за внатрешна безбедност изврши претреси како дел од истрагата со други европски безбедносни служби за наводна руска шпионажа, беше соопштено денеска.
Полска, западниот воен центар за снабдување на Украина, која се бори против руската инвазија, вели дека станала главна цел на руските шпиони. Ја обвинува Москва и нејзиниот сојузник Белорусија дека се обидуваат да ја дестабилизираат.
„Документирани се акции насочени кон организирање проруски иницијативи и медиумски кампањи во земјите на ЕУ“, се вели во соопштението, повикувајќи се на интернет порталот voice-of-europe.eu, за кој велат дека објавил проруски материјали.
Претресите беа извршени во вторникот во Варшава и Тихи во западна Полска, се вели без дополнителни детали.
Операцијата била координирана со други земји, особено со партнери од Чешка, се наведува.
Во средата, чешката влада санкционираше две лица, меѓу кои и прорускиот украински политичар Виктор Медведчук и интернет порталот voiceofeurope.com, за, како што рече, водење на операција за проруско влијание во Европа.
Последните дејствија произлегоа од истрагата завршена во јануари оваа година, во која полски државјанин беше обвинет под сомнение дека шпионирал за руските специјални служби.
Свет
Во Франција за Велигден ќе биде распоредена полиција пред секоја црква
Францускиот министер за внатрешни работи Жералд Дарманин денеска им нареди на полициските началници да распоредат сили за ред пред сите католички и протестантски цркви за време на Велигден.
Во СМС порака до полициските началници, Дарманин напиша дека „многу високото“ ниво на терористичка закана и „продолжувањето на тензиите“ на меѓународната сцена, особено со војната во Газа и нападот во Москва, „бара исклучителна будност“. за време на велигденските празници овој викенд.
Тој, исто така, додаде дека е неопходно да се воспостави „визуелна контрола на луѓето кои влегуваат во верските објекти за да се откријат сомнителни лица“ и дека „посебно внимание треба да се посвети на „возилата стационирани во близина на големите собири“.
Дарманин дал инструкции за „зголемено физичко присуство на полицијата пред секоја црква или еврејски храм“ од петок до крајот на неделата.
Од почетокот на годината во Франција спречени се два напади. Националното обвинителство за тероризам објави дека еден од тие напади вклучува „џихадистичка идеологија“ насочена против католичка институција.
Велигден, со кој се слави Христовото воскресение, е најголемиот христијански празник. Католиците и протестантите го слават овој викенд, а православните верници на 5 мај.
Регион
„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка
Основачот на Центарот за исчезнати и малтретирани деца, Игор Јуриќ, учествувајќи во емисија во живо, кажа нови детали од истрагата за случајот со исчезнатата Данка Илиќ објаснувајќи зошто потрагата на терен била прекината по 27 часа.
„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и се вршат некои оперативни дејства поврзани со сознанијата за самото девојче“, изјави Јуриќ.
Тој вели дека во случаите на исчезнување на детето родителите мора да споделат сè со полицијата, дури и најинтимните семејни тајни, кои може да бидат важни во тие моменти.
„Кога зборуваме за овие ситуации, кога детето ќе исчезне, едноставно, не смее да има никакви тајни во семејните односи, напротив, треба целосно да ѝ помогнете на полицијата. Ако имате каква било ситуација што може да доведе до несакан настан, во случајот исчезнување мало девојче, мора да кажете сè што знаете“.
Основачот на Центарот за исчезнати и малтретирани деца вели дека во деновите кога не знаеле каде е ќерка му Тијана Јуриќ посакувал некој да излезе и да побара откуп.
„Навистина верувам и го чекам соопштението на полицијата за да видам кое е конечното решение за оваа драма, но, дефинитивно, бев среќен што детето не беше пронајдено на тој простор, особено таа прва вечер бидејќи тешко дека детето може да преживеало таму во тие услови. Кога исчезна Тијана, се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.
Според него, добро е што е пребарана областа и последната надеж е дека некој е вмешан и дека детето е скриено поради некоја причина.
„Сега очекувам дека оперативците на МУП ќе завршат добра работа и дека, конечно, ќе ја дознаеме вистинската вистина.
Игор Јуриќ зборуваше и за активирање на системот „Најди ме“.
„Системот го активираат началниците на полициските одделенија, во случајот тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата бргу реагира и поради возраста на детето, темелно го пребара теренот.
„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7 часот“, објаснува тој.