Свет
Војската во Бангкок се подготвува за пресметки
Тајландските војници во полна борбена опрема во понеделникот патролираа низ деловниот центар на Бангкок, со цел да ги спречат илјадниците антивладини демонстранти да ги прошират демонстрациите и на тој дел од градот, јавува агенцијата Reuters
Со тоа се зголемија стравувањата од нови крвави судири во поларизираната земја. „Црвените кошули“ за вторник најавија марш по улицата „Силом“, дел од престолнината каде што се сместени повеќето банки и канцеларии на угледни компании. Демонстрантите со маршот низ улицата сакаат да го искажат својот пркос кон одлуката на владата да воведе вонредна состојба, која забранува јавни собири. Војниците, вооружени со автоматски пушки, стојат зад бодликавата жица и металните барикади, соочени со илјадниците демонстранти кои, пак, зад своите линии веќе имаат подготвено залихи од палки и камења. Премиерот Абхисит Веџаџива во петокот го именуваше шефот на генералштабот, генерал Анупонг Паочинда, за раководител на службата за национална безбедост, по што се заостри реториката на армијата. Од таму најавија дека петнеделните протести, кои ја десеткуваа клучната туристичка индустрија, мора да завршат и дека армијата за таа цел е подготвена дури и да се судри со демонстрантите.„Сакам да апелирам до лидерите на демонстрантите да не користат деца и старци како штит во првите линии. Без оглед на се, операциите за прекин на демонстрациите ќе започнат, со тоа што ќе се оди од помеки кон посцврсти мерки“, соопшти генерал Паоичинда по преземањето на функцијата. Згора на се позатегнатата ситуација, „Жолтите кошули“, кои го подржуваат актуелниот премиер, се заканија дека ќе започнат масивни демонстрации, ако владата во рок од седум дена не преземе нешто да ги сопре демонстрациите, со што ја ставаат земјата во ризик од конфликт со размери без преседан во поновата историја на земјата. Локалните аналитиччари предупредуваат дека минатонеделните судири, во кои загинаа 25 луѓе, а преку 800 беа повредени, ги заострија ставовите и на двете страни и може да претставуваат иницијална каписла за поширок и многу поопасен конфликт. Околу влезовите во станиците на метрото и на трговскките центри се подигнати огради од жица, а некои граѓани на нив закачуваат пораки со повици за мир. Полицијата и војската особено внимателно ги набљудуваат високите згради, кои пружаат одлични засолништа за снајперистите. Од своја страна, лидерот на деммонстрантите Натавут Саикуа, во понеделникот не кажа прецизно дали ќе се одржи најавеното проширување на демонстрациите во вторникот. Демонстрантите најавија дека бескрајни колони од демонстранти ќе се влеат во градот. Според него, поставувањето на војниците во улицата „Силом“ најпрвин било со цел да се разбие главнината на демонстрантите, но високите офицери во последен миг го смениле мислењето. Тој информациите ги добил од војниците кои се симпатизери и кои ги нарекуваат „лубеници“ (зелени од надвор поради униформата, но црвени од внатре). Ваквата поделба во армијата ги загрижува високите офицери, кои сега не знаат кому да веруваат. Згора на тоа, се шират шпекулации дека тврдолинијашите во армијата подготвуваат воен удар, со кој би ја прекинале петгодишната политичка нестабилност во земјата. „Црвените кошули“, кои се во најголем дел сочинети од сиромашни работници и селани, ја обвиннуваат елитата во армијата за поддршка на таканаречените „жолти кошули“, сочинети до ројалисти, деловната елита, аристократите и урбаната средна класа и дека учествувале во заговорт за отстранување на поранешниот преиер Таксин Шинаватра, кој беше избркан во 2006 година поради наводна корупција. Во декември 2008 година, „Жолтите кошули“, поточно припадниците на „Алијансата за демократија“, изведоа осумдневна блокада на меѓународниот аеродром во Бангкок, при што повеќе од 250.000 туристи останаа заглавени. Опсадата на аеродромот заврши откако тогашната владеачка партија, која одржуваше блиски врски со протераниот премир Шинаватра, беше укината поради наводна изборна измама, со што се отвори пат за парламентарно гласање за именување на актуелниот премиер. „Црвените кошули“ тврдат дека гласањето било под целосно влијание на армијскиот врв.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Свет
Во Таџикистан се уапсени девет лица поврзани со масакрот во Москва
Таџикистан уапси девет лица осомничени дека се поврзани со масовното пукање во руската концертна сала минатиот петок, како и милитантна исламистичка група која ја презеде одговорноста за нападот, изјави таџикистански безбедносен извор за Ројтерс. Четворицата осомничени напаѓачи зад најсмртоносниот напад во Русија во последните 20 години се државјани на Таџикистан. Тие беа уапсени со уште седум други осомничени, од кои некои исто така потекнуваат од поранешната советска централноазиска земја.
Одборот за државна безбедност на Таџикистан приведе девет лица во градот Вахдат. Осомничените сега се во главниот град Душанбе, рече изворот, но не даде детали. Најмалку 143 лица загинаа во напад на концертна сала во близина на Москва.
Таџикистан, член на безбедносниот блок предводен од Русија и дом на руската воена база, ги собра семејствата на осомничените напаѓачи за да можат да бидат испрашани од руските истражители во Душанбе, изјавија извори за Ројтерс.
Исламска држава ја презеде одговорноста за нападот во концертната сала, а американските официјални лица рекоа дека имаат разузнавачки информации кои укажуваат на тоа дека нападот го извршил авганистанскиот огранок на мрежата, Исламската држава Хорасан (ИСИС-К).
Руските истражители вчера објавија дека пронашле докази дека напаѓачите се поврзани со „украински националисти“. САД веднаш го отфрлија тврдењето како неоснована пропаганда. Киев остро негираше каква било вмешаност во нападот на концертната сала.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.