Свет
САД бара Бритнаците да го напуштат Хелманд
Американската воена команда бара британскиот воен контингент да ја напушти провинцијата Хелманд во Авганистан и да се префрли во регионот на Кандахар во западниот дел од земјата, пишува TElegraph повикувајќи се на извори во британскиот воен врв
Според британскиот весник, за ова веќе било разговарано меѓу генерал Дејвид Петреус, главен командант на американските воени сили за Блискиот исто и централна Азија и британската команда. Воениот врв на САД верува дека ваквото преземање на Хелманд од Американците е неопходно за да може „да се поедностават“ командните планови на војската, што во услови на сегашното „делење на одговорноста“ оди потешко, па затоа, според лондонскиот весник, тие се повеќе притискаат да се изврши вака замисленото преселување.Високи британски команданти и дипломати веруваат дека иницијативата на САД „не е лоша“ и дека би можела да се прикаже како завршување на британката мисија во тој дел од Авганистан и префрлање на друга локација, во Кандахар.Весникот предупредува дека преселбата изведена под вакви услови би можела да биде претставена како контроверзна, затоа што дури 252 Британци од вкупно 281 војник се убиени токму во провинцијата Хелманд, но дека од друга страна, доколку се отфрли притисокот на Американците би можело да го „поткопа сојузништвото“. Американската команда веќе соопшти дека од ова лето, во Хелманд веќе ќе бидат префрлени 20 илјади маринци, а тоа е двојно повеќе од бројот на британскиот воен контингент што сега оперира во оваа јужна авганистанска провинција. Лондонскиот весник открива дека командантот на НАТО Стенли Мекристал веќе ја поддржал преселбата, па се очекува британската команда од Ласкар Гах, главниот град на Хелманд, да се пресели во Кандахар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.