Свет
Сурово насилство ја потресува внатрешноста на Колумбија
Убиства, силувања и други насилства присилија десеттици илјади жители на рурална Колумбија да ги напуштат своите домови во текот на изминатава година во тивката војна за која никој не сака да знае, тврди Меѓународниот комитет на црвениот крст (ИЦРЦ), пренесува Reuters
Проблемот беше целосно игнориран од сите кандидати во текот на тековната предизборната кампања за претседател на земјата,тврдат од ИЦРЦ. Најтешко погодени биле домородните заедници и потомците на африканските робови на југот на земјата и долж брегот на Тихиот океан.„Повеќето беа присилени да бегаат поради заканите по нивниот живот. Други, пак, биле подложени на егзекуции или сексуални насилства, а сепак, за поголемиот дел од нивните трагедии никогаш не се известува“, вели главниот претставник на оваа хуманитарна организација за Латинска Америка, Кристоф Бени. ИЦРЦ, со седиште во Женева, има документирано преку 800 случаи на кршење на глобалното хуманитарно право само во последнава година, сите поврзани со борбите во кои учествува и армијата и парамилитантните групи и марксистичките бунтовнци. Овие случаи вклучуваат 28 убиства, 61 директен напад против цивили и 84 исчезнувања. Смртните закани биле наголемо употребувани за да се присилат луѓето да ги напуштат своите домови. Актуелниот претседател на Колумбија, Алваро Урибе, чиј фокус врз уништувањето на бунтовниците го оддалечи конфликтот од градовите, го повика и неговиот наследник да продолжи по истата линија. Негопвиот притисок врз бунтовниците, кои Урибе ги обвини и дека се главните шверцери на кокаин во земјата, резултираше со зголемена безбедност во градовите и на главните патни правци по многу години беззаконие и, од своја страна, придонесе за голем наплив на странски инвестиции во земјата. Но, ниту тој, ниту пак кандидатите за негов наследник некогаш ги споменаа сиромашните, особено од регионите крај границата со Еквадор на југот на земјата и долж брегот на Тихиот океан, кој го истрпеа главниот товар на насилствата. Официјалните бројки на расселени лица, кои најверојатно никогаш нема да се вратат во своите домови се движи околу 3,3 милиони луѓе, во земјата со вкупна популација од 46 милиони луѓе. Од ИЦРЦ, која има многу теренски испостави, преку кои им помага на расселените и жртвите на насилствата, велат дека ушште еден огромен проблем за локалното население се големмиот број на мини расфрлани ширум порнешните и сегашните боишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.