Свет
Уште едно убиство на бизнисмен во Москва
Во среда доцна навечер во југозападна Москва од непознат напаѓач бил убиен заменик на генералниот директор на компанија која се занимава со претприемништво а има удели и во винопроизводство
Според првичните сознанија на истрагата на московската полиција се верува дека убиството на претприемачот Абдулмеџид Гасанов во ноќта среда на четврток е поврзано со неговиот бизнис.Непознатиот напаѓач стрелал од автомат „калашников“ Porsche Cayenne во моментот додека Гасанов се паркирал пред неговиот дом. Во моментот на убиството во автомобилот се наоѓале и неговата сопруга и малолетното дете, кои не биле повредени во рафалната стрелба.„Се разгледуваат различни верзии од извршеното убиство, при што како најверојатни мотиви се јавуваат поврзаности со претприемачката дејност на на Гасанов“, изјавиле полциски извори за РИА Новости. Според очевидци, напаѓачот кој не бил сам од местото на убиството избегал со теренсоко возило ВАЗ-2109. Во вторник навечер пред својот дом во Москва бил убиен Роберт Маркарјан, основач и сопственик на најголемата руска компанија за детски обувки „Алигаша“. Него исто така пред неговиот дом во вторникот навечер околу 23.30 часот по московско време, истрелал седум куршуми од кои четири во главата. Очевидците тогаш изјавија дека две неидентификувани лица потрчале во пресрет на бизнисменот во моментот кога тој влегувал во дворот од неговиот дом и неколкупати од пиштоли со придушувачи стрелале во него.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.