Свет
Се враќа ли Буш на политичката сцена?
Заведен како еден од најлошите претседатели во историјата на САД кога замина од службата, 63 годишниот Буш малку се појавуваше во јавноста, заминувајќи од видикот откако земјата го сврте своето внимание кон неговиот наследник, претседателот Барак Обама.
Денес, некои настани би можеле да се свртат во негова полза, особено откако тој и неговото семејство најавија дека ќе ја раскажат приказната гледано од нивната страна, најпрвин со објавувањето на мемоарите на Лора Буш, деновиве, насловени како „Кажано од срцето“, а потоа и во ноември, кога ќе излезе неговата книга „Моменти на одлука“.„Рехабилитацијата е веќе цврсто зачекорена“, вели Марк Меккинон, човек од доверба на Буш, кој се’ уште оди на велосипедски прошетки со претседателот во Тексас.„Неговите приврзаници отсекогаш веруваат дека историјата ќе биде многу пољубезна кон претседателот отколку јавното мислење за време на неговиот мандат. Ние, исто така, веруваме дека лидерите што носат тешки одлуки ретко се популарни додека се претседатели, но дека историјата ќе ги стави нештата во вистинскиот контекст“.Пред се’, војната во Ирак можеби нема да се покаже како црно петно на неговото владеење.Иако и натаму има проблеми – а оружјето за масовно уништување на кое се повика Буш кога нареди инвазија не беше најдено – изгледа дека демократијата фаќа корен, а САД се на патот да ги повлечат борбените трупи до август оваа година, па сега дури и демократскиот потпретседател Џо Бајден ја нарекува војната во Ирак „успех“.„Јас сум голем оптимист што се однесува на Ирак“, рече Бајден неодамна. „Во Ирак Ќе видите стабилна влада, која е на пат да стане репрезентативна“.Во истото време, Обама веќе ги пречекори високите буџетски дефицити и бележи рекордни долгови кои во времето на Буш се намалуваа, во време кога тој ги намалуваше даноците, почнувајќи две војни, проширувајќи ги областите на здравствената заштита. Јавниот федерален долг во фискалната 2001 година, за време на првиот мандат на Буш како претседател, беше 5.7 трилиони, или 9.9 трилиони во 2008, неговата последна цела година за време на владеењето. Буџетот на Обама проектира јавен долг од 16.3 трилиони на крајот на фискалната 2012, последната цела година на неговиот прв мандат.Според анкетите на АБЦ-Вашингтон пост направени деновиве, Американците се’ уште повеќе го обвинуваат Буш за слабата економија и дефицитите отколку што го обвинуваат Обама, 3 наспрема 1.Претседателот на Демократскиот национален комитет, Тим Кејн, вели дека неговата партија есенва ќе почне кампања против Буш, дури и ако поранешниот претседател не се најде на гласачко ливче, со која ќе го обвинат за рецесијата, која почна пред негови очи, тврдејќи дека неговата одговорност е поголема, иако Демократите го контролираа Конгресот почнувајќи од 2007 – затоа што „претседателското водство ги влече конците“.Републиканците на тоа гледаат поинаку. Сенаторот Џон Корнин од Тексас, мисли дека враќањето на Буш е веќе започнато.„Популарноста на претседателот Буш се подобрува со секој нов ден“, вели Корнин. „На репутацијата на Буш не може ништо друго да и’ се случи, освен да се подобри“.Можеби, но исто така е вистина дека рејтингот на Буш повеќе нема каде да оди, освен нагоре. Тој ја напушти канцеларијата со најнискиот рејтинг во американската историја, и неговата популарност многу малку е променета од неговото заминување.Анкетата на СиБиЕс – Њујорк тајмс за април, на пример, покажува дека 27 проценти од Американците имаат позитивно мислење за Буш, а 58 отсто не му се наклонети. Тоа покажува дека во суштина неговата популарност не е променета од првата недела кога ја напушти канцеларијата.Истражувањето на СиЕнЕн покажува дека неговата популарност пораснала за 10 проценти во првата година по напуштањето на функцијата; речиси исто како што покажала и анкетата на Фокс Њус, 11 поени.Освен што може да го следи развојот на настаните, поранешен претседател како Буш би можел и да влијае на неговиот рејтинг по заминувањето од Белата куќа, преку тоа како дејствува и колку добро работи на неговиот случај.Луѓе од круговите блиски на Буш велат дека неговото одбивање да се придружи на оцрнувањето на Обама, кое е владее во неговата партија, веројатно прави да им биде помил на многу Американци, особено во споредба со поранешниот потпретседател Дик Чејни. „Напротив, тоа прави претседателот Буш да изгледа добро“, вели Меккинон.Неговата книга може да му помогне, исто така, ако е добро напишана и добро изаргументирана. Ричард Никсон помина години пишувајќи за надворешната политика за да поткрепи тој дел од неговото наследство. Џими Картер и’ помогна на неговата кауза со опсежна хуманитарна работа.Конечно, дури и навестувањата за можен скок на популарноста за 43 претседател се знак дека првиот заклучок би можел да биде преуранет.Според мрежата Хистори Њуз на Универзитетот Џорџ Мејсон во Вирџинија, во април 2008, додека се’ уште беше на функцијата, 61 процент од историчарите одговориле дека Буш бил најлошиот претседател во историјата на САД.Но, и историчарите велат дека можеби би биле потребни децении за да може објективно да се анализира влијанието на претседателот – време колку што е потребно за политиките да ги дадат своите резултати, за да станат познти детали од меѓународните дебати и време колку што е потребно за пристрасноста од двете страни да си замине од сцената.„Не можете да почнете реалистично и објективно да го оценувате работењето на некој претседател пред да поминат години од неговото заминување од канцеларијата“, вели Стивен Шиер, политички истражувач од Колеџот Карлтон во Минесота. „Ќе бидат потребни 30 години за да можеме точно да го оцениме работењето на Буш“.„Одреден период, нема да можеме да добиеме вистински добра перспектива“, вели Берт Рокман, историчар на претседателите на Универзитетот Пурдју во Индијана. „Не мислам дека неговото претседателство ќе биде во погорните фиоки со предметите за разгледување. Би можело да биде и некаде под средината, но, не би можело повеќе да се задржи на дното“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.