Свет
Досега 66 загинати во експлозијата во рускиот рудник
Акцијата за спасување во сибирксиот рудник за јаглен „Распадскаја“ е прекината поради висока концентрација од метан што може да предизвика нова експлозија, соопштиле официјални владини извори
Според последните податоци, во двете експлозии меѓу саботата и неделата во најголемито руски рудникот загина 66 лицаа уште 24 се водат како исчезнти.Министерот за вонредни ситуации Сергеј Шојгу доцан синоќа за РИА Новости изјавил дека се помалку има надеж некои од нив да преживеале. Исто така, се води и сеопфатна истрага за причините за несреќата и одговорноста на службите за безбедноста во рудникот.Официјален претставник на руското министерство за вонредна состојба Павел Плат изјавил дека концентрацијата на метан во рудникот расте и дека веќе избиле неколку пожари на длабочина од околу 450 метри. Првата експлозија во рудникот во рударскиот базен Кузбас се случи во саботата доцна навечер по што веднаш во рудникот биле испратени 19 спасители кои до еден загинаа во втората експозлија која се случи четири часа подоцна. Се претпоставува дека причина за експлозијата е концетрацијата метан, но управата на рудникот соопшти во понеделник дека концентрацијата на метан во рудникот во саботата според мерењата била во границите на нормалата.Од болнички извори било потврдено дека биле примени 88 пациенти од кои 83 биле задржани на болничко лекување, од кои едно лице е во критична состојба а други осум во многу тешка ситуација.Во моментот на експлозијата во коридорите на рудникот се наоѓале вкупно 359 луѓе, од кои на површината биле извлечени успешно 282 рудари.Екплозијата се случила во коридорот на важниот блок 4 каде е главната артерија за воздух во копот, од кој се испитани коридорите во должина од 1.700 метри, додека до крајот на овој блок спасувачктие екипи се уште се немаат пробиено. Според правата на компанијата во вентилацискиот систем на рудникот биле вложени околу милијарда евра.Според извори на РИА Новости, втората експлозија била значително посилна од првата и во неа настрадале најголемиот број од рударите и спасувачите.Компанијата Евраз Груп чиј сопственик е милијардерот Роман Абрамович, одбила да даде коментар за експлозијата, образложувајќи дека таа не се занимава со оперативно управување со рудникот.Отвореното акционерско друштво „Распадскаја“ е формирано во 1973 г. а сега е едно од најголемите компании кои се занимаваат со јаглен во Русија. Евраз Груп има 40 отсто акции во компанијата. „Распадскаја“ има резерви од 40 милиони тони јаглен а рекорддноод него во 2007 г. се извадени 8,9 тони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Захарова: Лицемерниот Запад бара Србија да заборави кој ја бомбардирал
Портпаролката на руското Министерство за надворешни работи, Марија Захарова, на брифинг со новинарите потсети на годишнината од бомбардирањето на Радио и телевизија на Србија, кога загинаа 16 вработени и уште еднаш укажа колку Западот е подготвен да ги погази сите норми и правила. Згора на тоа, сега се бара од Србија да го заборави тоа, изјави таа.
Таа нагласи дека бомбардирањето на РТС не само што поминало неказнето, туку дека НАТО го објаснил како неопходност од војна.
„Она што тогаш се применуваше во Србија, сега се прави во Украина“, рече Захарова на брифингот и укажа на убиството на руски воен известувач од режимот во Киев, платен од Западот.
И како да не беше доволно тоа што и го направија на Србија тогаш, додаде таа, но денес се бара да се заборави бомбардирањето, се спроведува нов јапонски експеримент.
„Тогаш ја бомбардираа Јапонија, а денес се принудени да ја заборават. Сега се обидуваат да ја натераат Србија да заборави кој ја бомбардирал, 2.500 жртви од кои 89 деца, уништена инфраструктура, загуби кои се мерат во милијарди.
Сакаат да ја свртат страницата на историјата, но всушност да ја принудат Србија да ја откине таа страница од целата историја, како што беше случајот со Јапонија“.
Лицемерието на Западот нема граници, студиозно го игнорира нападот на зградата на РТС во Белград на 23 април 1999 година, истакна Захарова.
Европа
Лукашенко: Опозицијата и НАТО планираат напад врз Белорусија, ни треба нуклеарно оружје
Претседателот на Белорусија Александар Лукашенко изјави денеска дека неговата земја се соочува со сериозни внатрешни и надворешни закани поради кои треба да го промени својот безбедносен став и да и дозволи на Русија да распореди тактичко нуклеарно оружје на нејзина територија.
Лукашенко, без да обезбеди докази, рече дека белоруската опозиција планира да окупира дел од западот на земјата и да побара поддршка од трупите на НАТО, тврдење што опозицијата го отфрли, нарекувајќи го апсурдно.
На истиот состанок, Иван Тертел, шеф на белоруската безбедносна служба КГБ, рече дека неговите оперативци спречиле напади врз главниот град Минск со беспилотни летала лансирани од членката на НАТО Литванија, но таа земја негира дека организирала каков било напад.
Тертел, исто така, тврди дека белоруските безбедносни сили секојдневно се обидуваат да спречат постојани обиди за шверц на оружје од Украина во Белорусија „со цел таму да извршат саботажа и терористички напади“.
Лукашенко, близок сојузник на рускиот претседател Владимир Путин, често ги истакнува опасностите од нападите на НАТО или Украина, со што ја оправдува блиската воена интеграција со Русија и постојаното одржување на одбранбениот и безбедносниот апарат во состојба на висока готовност.
Лукашенко зборуваше на состанокот на Белорускиот национален конгрес, уставно тело составено од 1.200 пратеници. На состанокот треба да се одобри ажурираниот концепт за национална безбедност и воената доктрина на Белорусија.
Државната новинска агенција Белта ја објави изјавата на Лукашенко дека „актуелната реалност бара промени во безбедносната положба на земјата“.
„Новата тема на Лукашенко е – нуклеарно одвраќање. Оние кои нè туркаат кон тоа треба да можат рационално да ги согледаат директните последици од нивните, најблаго речено, непромислени одлуки“, пишува Белта.
Руски Тасс ја пренесува изјавата на Лукашенко дека во Белорусија се распоредени „неколку десетици парчиња“ руско тактичко нуклеарно оружје во согласност со договорот што тој и Путин го објавија минатата година. Тоа е прв пат Русија да распореди нуклеарни ракети во странска земја од советската ера.
Белоруската опозиција, од кои повеќето лидери се во затвор, а останатите побегнаа во странство, ја исмеа изјавата на Лукашенко дека планираат да окупираат дел од западот на земјата.
„Мислам дека Лукашенко треба да биде коментиран од психотерапевт бидејќи тој живее во свој свет и се чини дека губи допир со реалноста“, рече Франак Виацорка, главен соработник на прогонетиот опозициски лидер Светлана Тихановскаја.
„Овој конгрес е негов очајнички обид некако да ја врати сопствената доверба, но и да му покаже на надворешниот свет дека сè уште има поддржувачи. Се разбира, најлесниот начин да ги консолидира своите поддржувачи е да создаде чувство дека има надворешни непријатели“, изјави Виацорка за Ројтерс.
Свет
САД и 17 земји му порачаа на Хамас: Ослободете ги заложниците, тоа може да ја реши кризата во Газа
Соединетите Американски Држави и 17 други земји денеска апелираа до Хамас да ги ослободи заложниците како начин да се стави крај на кризата во Газа. „Повикуваме на итно ослободување на сите заложници кои Хамас ги држи во Газа повеќе од 200 дена“, се вели во соопштението на земјите, кое висок американски функционер го нарече извонредна слика на едногласност.
Тие 18 земји имаат државјани кои ги држи Хамас шест месеци откако палестинската милитантна група започна напад врз јужен Израел во кој загинаа 1.200 луѓе. Потписници се лидерите на САД, Аргентина, Австрија, Бразил, Бугарија, Канада, Колумбија, Данска, Франција, Германија, Унгарија, Полска, Португалија, Романија, Србија, Шпанија, Тајланд и Велика Британија.
„Потенцираме дека договорот на маса за ослободување на заложниците ќе доведе до итен и продолжен прекин на огнот во Газа, што ќе овозможи бран дополнителна потребна хуманитарна помош да се достави низ Газа и веродостоен крај на непријателствата“, се вели во соопштението.
Висок американски функционер, кој ги брифираше новинарите за изјавата, рече дека може да има пат до договор за заложничката криза, но дека не е целосно убеден. Тој не даде детали, но рече дека решението зависи од „еден човек“, лидерот на Хамас, Јахја Синвар.