Свет
Иран се согласи на размена на нуклеарно гориво
Иран, Бразил и Турција во понеделник потпишаа договор за размена на нуклеарно гориво, со што треба да се намали загриженоста на меѓународната заедница во врска со атомските амбиции на исламската република и да се одбегне новата рунда санкции врз Техеран, јавува агенцијата Reuters
Договорот бил постигнат на разговорите кои викендов бразилскиот претседател Луиз Инацио да Силва и турскиот премиер Таип Реџеп Ердоган ги водеа со иранскиот претседател Махмуд Ахмединеџад во Техеран. Официјален Иран соопшти дека се согласил да замени 1.200 килограми од својот ниско збогатен ураниум за повисоко збогатено нуклеарно гориво, кое би било наменето за иранскиот медицински истражувачки реактор. Според изјавата на портпаролот на иранското министерство за надворешни работи Рамин Мехманпараст, размената ќе се одвива во Турција. Иран ветил дека ќе го испрати нивното гориво во рок од најмногу еден месец, а целата операција ќе се одвива под надзор на Меѓународната агенција за атомска енергија. Претходно Иран, кој ги отфрла обвинувањата на меѓународната заедница дека сака да создаде нуклеарно оружје, инсистираше размената на горивото да се одвива на негова територија. Иранскиот претседател Махмуд Ахмединеџад ги повика шесте светски сили, кои ја сочинуваат групата 5+1 (петте постојани членки на Советот за безбедност на ОН, плус Германија) задолжена за контрола на иранската нукеларна програма, да ги обноват преговорите со Иран по склучувањето на договорот за размена на горивото.„По потпипшувањето на договорот за размена на нукеларнотѕо гориво, време е земјите-челенки на „5+1“ да седнат на преговори со Иран, кои ќе бидат базирани на чесност, правда и меѓусебно почитување“, рече Ахмединеџад. Вашингтон, кој ги предводеше напорите на меѓународната заедница за воведување на нови санкции кон Техеран, за сега не излегува со официјална реакција. Турција и Бразил, и двете непостојани членки на Советот за безбедност, самите се понудија да посредуваат при изнаоѓањето на решение за застојот. Нивната иницијатива беше оценета како последна шанса да се избегне четвтртата рунда санкции кон Техеран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.