Свет
Јужна Кореја ја обнови психолошката војна со Северот
Тензиите меѓу двете Кореи достигнаа опасно високо ниво во вторникот, откако Јужна Кореја ги обнови пропагандните радио-емитувања во Северна Кореја како одмазда за торпедираниот воен брод „Чон ан“ во март годинава, а Северот воведе боева подготвеност на армијата, јавува Associated Press
Повторното воведување на психолошкото војување од страна на Југот е дел од мерките кои Сеул ги најави во понеделникот, заедно со намалувањето на трговската размена и кои треба да претставуваат казна за торпедирањето и потопувањето на јужнокорејскиот воен брод на 26 март, при што загинаа 46 морнари. Минатата недела надлежната комисија за истражување на најголемата воено-поморска катастрофа на југот од завршувањето на граѓанската војна во 1953 година, утврди дека бродот бил погоден со торпедо од севернокорејска подморница. Северот негира каква и да е поврзаност со инцидентот. САД, најголемиот сојузник на Јужна Кореја, целосно ги поддржаа одмаздничките потези на Сеул, кои вклучуваат и обвинување за Пјонгјанг пред Советот за безбедност на Обедионетите нации. Кина, која е, пак, најголем сојузник на Северна Кореја и има право на вето во СБ, засега не реагираше, освен што ги повика и двете страни да се смират. Во Пекинг допатува и американската државна секретарка Хилари Клинтон, каде што со кинеските функционери се обидува да ги координира наредните чекори. Во меѓувреме, врвниот кинески пратеник за нуклеарни прашања замина за Сеул, каде што ќе се обиде да ги смири јужнокорејските лидери. Армијата на Јужна Кореја во понеделникот вечерта ги обнови пропагандните радио-емитувања кон Северот, кои беа замрзнати пред шест години. Емисиите содржат западна музика, вести и споредби помеѓу политичката и економската ситуација во Јужна и во Северна Кореја. Војската планира да започне и пропаганда со летоци, со кои би ги информирала севернокорејците за потопувањето на бродот. Во наредните недели, Сеул исто така ќе постави десеттици пропагандни звучници и високи електрични билборди долж тешко вооружената копнена граница помеѓу двете Кореи, преку кои непрекинато ќе се испраќаат пораки до севернокорејските војници да пребегнат на југ. Се очекува ваквите потези на Сеул да поттикнат жесток одговор од Пјонгјанг. Армијата на северот веќе испрати предупредување дека ќе стрела на сите пропагандни инсталации поставени во демилитаризираната зона. Според тврдењата на организацијата „Солидарност за интелектуалците на Северна Кореја“ со седиште во Сеул, која цитира неименувани извори, севернокорејскиот лидер Ким Јонг Ил минатата недела издал наредба армијата од 1,2 милиони војници да се подготви за воени операции, непосредно откако Сеул и официјално го обвини северот за потопувањето на нивниот воен брод. наредбата била прочитана од генералот О Кук Рјол, десна рака на Ким и во четвртокот била емитувана преку јавните звучници поставени ширум земјата. Сепак, ваквите тврдења не можат да бидат официјално потврдени, а во Сеул велат дека не се забележани невообичаени движења на севрнокорејската армија. Од таму потсетуваат дека таквите наредби секогаш најпрвин се објавуваат во државните медиуми, а потоа се емитуваат преку јавните звучници. Јужна Кореја, исто така ќе ја намали и трговската размена со северот, како и помошта која ја испраќа за оваа економски опустошена земја. И покрај непријателствата, Северна Кореја е втор најголем трговски партнер на северот, со размена од 1,68 милијарди долари или 33 проценти од БДП на Северна Кореја. Сеул ќе ги затвори фабриките во заедничката индустриска зона на границата, а ќе престане и да купува морски продукти од северот. На севернокорејските бродови ќе им биде забрането да минуваат низ јужнокорејските води, а мерките ќе го чинат Северот околу 200 милиони долари годишно. Двете Кореи се се’ уште официјално во војна, бидејќи конфликтот од 1950 – 53 година не заврши со мировен договор, туку со примирје, по што е основана демилитаризираната зона долж 38 напоредница. Во 1987 година, Пјонгјанг беше виновен за уште една трагедија, кога стрелаше и сруши јужнокорејски патнички авион, при што загинаа 115 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Почна нова детална потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Регион
Силен земјотрес ја погоди Бугарија
Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ.
Земјотресот е регистриран во 8:38 часот по локално време, на четири километри од Девин, на длабочина од девет километри.
🔔#Earthquake (#земетресение) M3.8 occurred 6 km SW of #Devin (#Bulgaria) 4 min ago (local time 08:38:05). More info at:
📱https://t.co/IbUfG7TFOL
🌐https://t.co/MSdvNiasPN
🖥https://t.co/ycq6JSIzuY pic.twitter.com/jACmTRndoJ— EMSC (@LastQuake) March 29, 2024
Речиси половина час пред овој земјотрес Бугарија ја погоди потрес со јачина од 2,4 степени според Рихтеровата скала.
Забележан е во 8:09 часот по локално време.
Во 08:42 часот е регистриран и трет земјотрес со јачина од 2,2 степени според Рихтеровата скала.
Засега нема информации за повредени или материјална штета.