Свет
Шефот на руската ФСБ предупредува на зголемен ризик од териризам
Многу земји ќе се соочат со растечките глобални терористички закани, изјави ви четврток шефот на риската Федерална служба за безбедност (ФСБ), Александар Бортников, пренесува агенцијата РИА
„Една анализа на тековните проблеми со тероризмот покажува покашување на ризикот од териристички закани во повеќето држави на светот, без оглед на нивниот економски развој, воен потенцијал или државно уредување“, вели Бортников . Тој додава дека најсмртоносните закани од терористилки напади се насочени кон САД, Русија, велика Британија, Шпанија, Израел, Авганистан, Ирак и многу други држави. „Понекогаш цели региони се под влијание на тероризмот“, вели пефот на ФСБ, мислејќи на насилниот регион на Северен Кавказ. Бортников вели и дека само од почетокот на годинава, руските безбедносни служби спречиле 23 терористички напади и привеле повеќе од 250 милитанти што, според него, е резултат на информации од странските партнери и добро темпираните заеднички истражни мерки. Тој повика на натамошна соработка помеѓу националните и меѓународните безбедносни тела во мултилатерални формати, за да се зголеми ефективноста на борбата против глобалниот тероризам. Бортников изрази посебна загриженост поради можноста од терористички напади во текот на Зимските олимписки игри во Сочи во 2014 година. „Една реална закана од Ал каеда предизвика откажување на релито „Дакар 2008“, за прв пат во историјата на оваа престижна трка. Во овој поглед, намерите на неколку водачи на терористички организации во врска со Зимските олимписки игри во Сочи во 2014 година се јасно примени на знаење“, вели Бортников. Русија го зголеми нивото на узбуна по неодамнешните напади во Москва и во севернокавкаската република Дагестан.Во нападот во метрото во Москва на 29 март годинава загинаа 40 луѓе, а преку 100 беа ранети. На 31 март во експлозија на две бомби во градот Кизлјар во дагестан загинаа 12 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.