Свет
Притворен политичар осомничен за организирање на немирите во Киргистан
Познат политичар, осомничен за организирање на масовните етнички судири во Киргистан, бил уапсен во регионот Џалал-Абад на југ од земјата, изјавил за РИА Новости во понеделник, претставника на привремената влада на Киргистан
„Задржано е едно лице осомничено за организирање на масовните безредија во Џалал-Абад. Овој човек е добро-позната личност во земјата. Неговото име не се обелоденува во интерес на истрагата”, изјавил изворот на агенцијата.Според прес-служба на привремената влада во Бишкек, лицето е осомничено за кривично дело „организирање на масовни немири” и за „обид за соборување на државната власт.”„Во моментов се врши разговор со приведениот. Според неговите искази, има имиња на некои познати личности кои се вклучени во безредијата во областа кои претходно јавно ги објавија своите намери да учествуваат на парламентарните избори закажани за на есен”, соопштиле од владината прес-служба. Претходно во петокот привремената претседателка Роза Отубнаева не ја исклучи можноста немирите да се инцирани од „заинтересирани сили“ да ја дестабилизираат земјата пред одржувањето на референдумот закажан за 27 јуни кога избирачите треба да се изјасната за новиот Устав на Киргистан. Парламентарните избори, пак, се закажани за 10 октомври, кога најверојатно ќе бидат и претседателските избори.Во мај протестите избувнаа кога демоснтрантит бараа судска истрага за лидерот на локалната узбечка заедница, бизнисменот Кадирјан Батјиров, обвинувајќи го дека го организирал палењето на домовите на роднините на соборениот претседател Бакиев, како и дека неговите следбеници стрелале врз демонстрантите со огнено оружје на 14-ти мај на централниот плоштад на Џалал-Абад, кога приврзаниците Бакиев влегоа во зградата на регионалната администрација.Во јужната провинција на Киргистан, на 13 и 14 мај, поддржувачи на поранешниот претседател Бакиев ја зазедоа административната зграда на управата на трите области, Ош, Џалал-Абад и Баткен. Тогаш во судирте меѓу приврзаниците и поширокот семејство на Бакиев и поддржувачите на привремената влада на Киргистан, беа ранети 59 лица од кои две починаа од здобиените повреди.Новата влада во Киргистан дојде на власт по немирите против претседателот Карманбек Бакијев од 7 април, во кои загинаа најмалку 85 лица, а беа оневозможени летовите од воената база на САД, која беше поддршка на акцииита на НАТО во Авганистан.
Во Ош, јужната престолнина на Киргистан, четврти ден продолжуваат на етнички судири меѓу Киргизите и Узбеците, проследени со етнички погроми и палење на домовите. И двете страни се добро вооружени со огнено оружје, а бројката загианти и ранети постојано расте. Во неделата безредијата се проширија и на соседнито јужен град Џалал-Абад и на целиот тој регион од поранешната советска република. Откако избувнаа немирите и меѓуетничките судири, во земјата каде привремената влада прогласи вонредна состојба досега се убиени 117 а ранети се повеќе од 1.500 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
11 канали на „Телеграм“ блокирани во Русија поради терористичка содржина
Руската агенција за следење на комуникациите „Роскомнадзор“ го ограничи пристапот до 11 канали на платформата „Телеграм“ поради терористичка содржина во последните два дена, објави агенцијата РИА.
„Од терористичкиот напад во концертната сала ‘Крокус сити хол’ спроведуваме насочен мониторинг. Ги бележиме фактите за намерното ширење разни невистини по терористичкиот напад – фалсификати и повици за екстремистички активности“, соопшти „Роскомнадзор“.
РИА наведува дека на барање на „Роскомнадзор“ биле отстранети околу 600 документи со терористичка содржина или има забранет пристап до нив.
Регион
Кризата во Бугарија продолжува: никој не може да формира влада, на повидок се нови избори
Претставниците на партијата Има таков народ, денеска, на бугарскиот претседател Румен Радев му го вратија третиот и последен мандат за состав на влада, со што се отвора патот за закажување вонредни парламентарна избори.
Мандатот што ѝ беше врачен на ИТН беше последна шанса за формирање редовна влада во рамките на сегашното Народно собрание, јавува Бугарското радио. Претседателот Радев сега треба да го одреди датумот на предвремените избори за парламентот откога неисполнети му беа вратени трите мандати за формирање влада.
На изборите во април минатата година ГЕРБ освои 69 пратенички мандати, коалицијата предводена од партијата Продолжуваме со промените освои 64 од вкупно 240 места во бугарскиот парламент, а нивните обиди за формирање влада претходно беа неуспешни.
Првиот мандат Радев ѝ го довери на коалицијата ГЕРБ-СДС, но таа не формира влада, мандатарката Марија Габриел се откажа и го врати мандатот.
Вториот мандат за состав на влада му беше доверен на Николај Денков.
Третиот мандат за состав на влада, според бугарскиот Устав, претседателот го доверува на една од другите парламентарни сили, по негова дискреција, во рок од 7 дена. Според Уставот, доколку не се постигне договор за формирање влада, претседателот по консултација со пратеничките групи назначува преодна влада и распишува нови предвремени избори во рок од 2 месеца.
Регион
Атина во густ облак од прашина и песок од Сахара
Главниот град на Грција, Атина, се најде во облак од прашина и песок од пустината Сахара и Северна Африка, феномен кој е проследен со особено високи температури.
Воздухот во градот треба да се подобри од утре наутро, велат метеоролозите.
„Во пролет март-април, циклоните, кои се движат кон исток по северноафриканскиот брег, носат прашина кон источен Медитеран. Типична песочна бура со дострел од 200 километри носи од 20 до 30 милиони тони прашина, понекогаш и до 100 милиони“, објаснува директорот на Грчката метеоролошка служба, Теодорос Колидас.
Главниот град често се наоѓа на патот на тие песочни бури, но оваа година беше проследен со особено високи температури поради што е речиси невозможно да се дише.
Во центарот на Атина на 27 март беа забележани 25,3 Целзиусови степени, што е рекорд од март 2009 година, а на Крит температурите достигнаа и до 32 степена, истакнаа од Грчката метеоролошка служба.
Сојузот на пулмолозите на Грција препорача најранливите групи население, особено луѓето што страдаат од астма, да избегнуваат „непотребни движења и спортови на отворено кога концентрациите на прашина се највисоки“.
„Африканската прашина носи честички кои може да се интегрираат со полен, бактерии и габи создавајќи многу токсична и опасна смеса за човечкото тело, а особено за респираторниот систем“, предупредува Сојузот.