Свет
Погубен лидер на иранските сунити
Иранските власти го погубиле Абдолмалек Риги, лидер на бунтовничко сунитско движење Џундалах, одговорно за повеќе оружени акции во иранската провинција Систан-Балучистан
Во соопштението на Револуционерното обвинителство во Техеран, се вели дека лидерот на контрареволуционерната оружена група од истокот на земјата е одговорен за вооружени грабежи, убиства, напади врз полициските и воените сили, како и врз граѓаните.Обвинителството, како што јави иранската агенција Ирна, соопшти дека Риги бил поврзан со странски разузнавачки служби, пред се со американските агенти и агентите на ционистичкиот режим, но и со агентите на тајните служби на некои арапски земји.Техеран во повеќе наврати ги обвини САД и Пакистан дека го поддржуваат Џундалах, но Вашингтон и Исламабад ги отфрлија ваквите обвинувања.Абдолмалек Риги од 2003. беше на чело на сунитската организација за која Иран тврди дека е поврзана со Ал Каеда. Уапсен е оваа година при обид за грабнување на цивилен авион.Неговиот брат Абдолхамид Риги, кого пакистанските власти го екстрадираа во Иран во 2008 г., беше погубен на 24. мај годинава
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.