Свет
Во напад на центар за рехабилитација во Мексико 9 мртви
Девет лица се убиени во сабота во напад на центра за одвикнување од дроги во мексиканската сојузна држава Дуранго
Меѓу убиените е и сопственикот на центарот за рехабилитација од дроги, кој според заменикот државен обвинител Рамиро Ортиз, најверојатно бил главната цел на нападот, пренесува Assocaited Press. Телата биле најдени во различни делови од центарот во кој имало вкупно 49 пациенти.Но ова не се единствените жертви од сабота во крвавата војна за превласт и контрола на нарко пазарот која со години трае меѓу мексиканските картели. Други девет лиза биле ранет во сличен напад во градот Гомез Паласио. Последните години десетици луѓе се убиени во центрите за одвикнување од дроги, каде како што се сомнева мексиканската полиција картелите ги користат за регрутирње убијци и дилери а ги ликвидираат оние кои ќе одбијат да соработуваат. Пред две седмици во напад на еден центар за лекување на наркозависници во мексиканскиот град Чивава, кој се наоѓа во близина на границата со Тексас, беа убиени 19 лица. Убиените пациенти биле на возраст межу 18 и 25 години, а во центарот полицијата нашла повеќе од 200 чаури од истрелани куршуми од разен калибар. Центрите за рехабилитација во Мексико веќе подолго време претставуваат мета на напад на конкурентските наркокартели, бидејќи наводно заштитувале некои од нив. Од првиот напад врз седум вакви центри во 2008 г. до последниот кој беше регистриран минатиот септември, се убиени 28 пациенти на третман за одвикнување од дроги, а само во јуни во два напада се убиени 28 штитенитци на овие центри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира откако ќе се разјасни неговата природа.
– Во секој случај, без разлика на се, продолжуваме да се залагаме за воздржаност од двете страни за да нема дејствија што би предизвикале натамошна ескалација на тензиите во регионот – рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала Шахед од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.