Свет
Билд и Ки-Мун спречени да слетаат во Кабул
Ракетен напад врз аеродромот во Кабул спречи авионот во кој патуваа Генералниот Секретар на Обединетите нации, Бан Ки-Мун и шефот на шведската дипломатија Карл Билд да слета во главниот авганистански град
Летот со кој во авганистанската престолнина требало да пристигнат минситерот за надворешни рбаоти на Шведска, Карл Билд и генералниот секретар на ОН, Бан Ки-Мун, како што јавува Аssociated Press, бил пренасочен кон американската воена база Баграм, од каде со хеликоптер двајцата дипломати отпатувале во Кабул на Меѓународната конференција за Авганистан.„Неколку ракети паднаа во предградието на Кабул минатата ноќ и во раните утрински часови“, изјавил Кејти Кендрик, портпарол на меѓународната воена коалиција. Меѓутоа таа не наведе повеќе детали и не даде информација за колку ракети се работи и колку од нив го погодиле аеродромот.Шефот на шведската дипломатија, Карл Билд, прв информираше за пренасочувањето на авионот на својот блог, додека автентичноста на информацијата ја потврди и шведското министерство за надворешни работи.„Ракети го погодија аеродромот непосредно пред да слетаме, што на некој начин предизвика нестабилна ситуација“, напиша Билд на својот блог.На денешната конференција, посветена на иднината на Авганистан, меѓу другите, учествуваат и Генералниот секретар на НАТО, Андерс Фог Расмусен и американскиот државен секретар, Хилари Клинтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.