Свет
Вонредна состојба на подрачјето на нуклераниот комплекс на Урал
Руските власти прогласија вонредна состојба на подрачјето на нуклераниот комплекс Мајак, источно од Mосква
„Беше прогласена вонредна состојба во шумите и парковите на територијата на градот Озерск поради сложеноста на ситуацијата, поврзана со пожарите“, стои во соопштението на веб-страницата на областа.Нуклераниот комплекс се наоѓа на подрачјето на Челјабинск на Урал, околу 2.000 километри источно од Москва.Шумските пожари во Русија причинија огромна штета на воените складови и предизвикаа опасност на другите нуклерани капацитети во државата. Пожарите во западниот дел на Русија однесоа 52 жртви.Во Русија и денеска горат 557 пожари во шумите, на површина од 174 илјади хектари. Во последните 24 часа избиле 247 пожари, а локализирани биле 239. на гаснењето на пожарите ангажирани биле 162 илјади лица, повеќе од 62 илјади возила и други средства, меѓу кои и 42 авиони и хеликоптери.Помош на Русија и пружија соседните земји, како и земјите во ЕУ, со специјални 52 возила. Министерството за вонредни ситуации соопшти дека во последните 24 часа е стабилизрана ситуацијата во централниот федерален округ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.