Свет
Во Москва двојно повеќе починати од вообичаеното
Стапката на смртност во Москва е двојно зголемена откако градот е прекриен со смог и отровни гасови предизвикани од стотиците големи шумски пожари во Подмосковје, објави во понеделник локалната власт на руската престолнина
„Во нормални околности, во Москва на ден умираат меѓу 360 и 380 луѓе. Само денска починаа околу 700. Нема никаква тајна во тоа. На улиците секојдневно е 40 степени Целзиусови“, изјавил началникот на градската канцеларија за задравство Андреј Селцовски, пренесува РИА Новости.Селцовски додава дека огромните жештини се главната причина за зголемената смртност. Бројката итнервенции е зголемен за четвртина, а најголем дел од интервенциите отпаѓаат на срцевите и респираторните проблеми. Ова е првапт откако со главниот град на Русија завладеаја невообичаено високи температури за овој климатски појас, а кои траат речиси месец и половина, градските власти да објавата какво и да е статистички податок за тоа. Московските мртовечници и болници се преполни, дури еден од градските крематориуми соопшти дека заради „преоптовареност, нема да прима нови работи“. Пожарникарите се борат со огнената стихија на површина од 1.740 квадратни километри, што е големинатан а Лихтенштајн. Шумските пожари во цела Русија инаку зафатија површина од вкупно 200 илјади хектари, а според официјалниот информации директно од пожарите смртно настрадале 52 лица.Првпат во илјадалетната историја на Москва се случуваат вакви високи температури, соопшти во понеделникот директорот на московскиот метеоролошки завод. „Ниту ние, ниту нашите предци доживеале вака високи температури од основањето на нашата држава“, изјавил началникот Александар Фролов во наменска изјава за државната руска телевизија. Тој додал дека станува збор за единствена, досега никаде не забележана појава, Метеоролошките служби веќе објавија дека горештините во западниот дел од Русија кој траат од почетокот на јули, ги надминале сите досега рекордни граници и во поглед на температурите и во должината на нивното траење, од отворањето на регистерот на модерна Русија пред 130 години, Така, по рекордните 38,2 степени Целзиусови измерени во Москва на 29-ти јули, во саботата беше измерена и апсолутно највисоката температура од 37,1 степен во царската руска престолнина Санкт Петербург која е посеверно од Москва. Заради незапаметените горештини и пожари во Русија од кои настрадаа и милиони хектари засеани со пченица, според проценките изгубено е околу 40 отсто од планираото производство пченица, рускиот премиер Владимир Путин забрани да се извезува, што придонесе за зголемување на цената на пченицата на светските пазари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.