Свет
Избодел 20 луѓе во САД па сакал да побегне во Израел
Полицијата во Атланта уапсила маж кој е обвинет дека со ноќ нападнал и повредил 20 мажи, од кои петмина починале од здобиените повреди
Нападите на манијакот почнале во мај годинава и се одвивале на териториите на три американски сојузни држави. Во полициската истрга бил осомничен 33-годишниот Елиа Абуелзам, откако полицијата по претражувањето на неговиот стан нашла инкриминирачки материјали. Исто така, Абуелзам го товари и исказот на 26-годишниот Ентуан Маршал кој го преживеал нападот со нож. Тој го препознал напаѓачот од фотографија која му ја покажале полициските детективи.Како што пренесуваат американските медиуми, Абуелзам кој бил во бегство бил уапсен во последен момент на аеродромот во Атланта. Како на филм, тој бил уапсен точно на влезот за качување во авионот кој летал за Израел. Откако претходно бил лоциран полицајците го опкружиле аеродромот и преку разгласувањето го повикале за полесно да го забележат во масата луѓе. Планот им успеал бидејќи бегалецот го фатила паника и се обидел насила да влезе во авионот каде го чекале полицајците.По слетувањето во Тел Авив патниците од авионот со кој Абуелзам планирал да побегне до САД, изјавиле за тамошните медиуми дека тој уште во чекалницата бил многу растроен и цело време разговарал со некого по мобилен телефон. Абуелзам е државјанин на ИЗраел а во сАД престојвуал легално. Тој и претходно бил апсен од полицијата, во 2007 г. кога бил приведен за поседување оружје, но бил ослободен од судт. Следната година бил прекрѓочно обвинет за напад, и следната седмица требало да се појави на суд п тоа обвинение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.