Свет
Заложничка криза во турската амбасада во Тел Авив
(проширено)Се уште не е потврден идентитето на напаѓачот што во заложништво земал членови на турската амбасада во Тел Авив, пренесуваат светските агенции повикувајќи се на официјална изјава на портпаролот на израелското министерство за надворешни работи
Труската новинска агенција Anatolija пренесува дека обезбедувањето на амбасадата го заробила напаѓачот, за кој се додава дека е Палестинец.Меѓутоа, израелски официјални извори не можат да го потврдат тоа, освен дека од територијата на амбасадата претходно се слушнале истрели, пренесува Associated Press.„Станува збор за заложничка ситуација“, изјавил за Associated Press портпаролот на израелското министерство за надворешни работи, Југал Палмор. Тураските новински агенции во продолжение известуваат дека напаѓачот е идентификуван како Надим Инјаз, Палестинец од Западниот брег кој и пред четири години предизвикал сличен инцидент кога во амбасада на друга држава сакал да побара азил..Во телефонски повик до телевизијата Channel 2 , тој рекол: „Имам двајца заложници“, рекол на хебрејски. „Ќе ја кренам во воздук абасадата“.Во повикот до Channel 2, Инјаз рекол и дека :„Ако не ми дозволат да ја напушпштам оваа земја, ќе ја запалм целата зграда. Ќе запалам се. Ќе ги запалам автомобилите, се ќе сикршам.”Тој потврдил дека бара азил и заштита од „овие убијци ционисти, убијци Евреи“. Истовремено тој рекол и дека и некои палестински лидери меѓуи кои и палестинскиот претседател Махмуд Абас „треба да умрат“ .
Како што пренесува Associated Press повикувајќи се на локални медиуми, меѓу заложниците не се наоѓаат, турскиот кознул и неговата сопруга кои успеале да побегнат.Претходно човек бил убиен во престрелка во близина на амбасадата на Турција во Тел Авив, соопшти полицијата.Израелските медиуми објавија дека вооружен Палестинец задржал за заложници двајца службеници на амбасадата. Тој побарал политички азил во Турција, затоа што бил баран од палестинските и од израелските служби за безбедност.„ Едно лице се соблече од неразјаснети причини на улица до амбасадата на Турција во Тел Авив и беше застрелан од напаѓач, кој потоа избега“ изјавил портпаролот на зираелската полицијата.Израелското радио јавило дека израелски Арап, кој најверојатно бил психичко растроен, побарал да влезе во турската амбасада и извршил недолично однесување или провокација. Тогаш од вториот кат на амбасадата бил истрелан куршум и човекот бил ранет во ногата. Според агенциите во амбасадата успеал да влезе ранет човек.„Непознато лице влегло на територијата на амбасадата на Труција во Израел и таму отворило оган“, објави попладнево прес-службата на израелската полиција.„До овие поменти на полицијата не и е дозволен пристап на територијата на турската амбасада. Податоци за жртви и ранети немаме“, изјавил, портпаролот на полицјата Алекс Кагаслки. Односите меѓу Турција и Израел се влошени по инцидентот од 31 мај кога израелската армија итнервенирашена еден од бродовите на конвојот „Флотила на слободата“ која се обидуваше да ја пробие поморската блокада за Појасот Газа и да достави хуманитарна помош. Тогаш беа убиени девет турски државјани. Турскиот парламент веднаш побара од премеирот Реџеп Таим Ердоган да ги прекине односите со Израел, кој беше долгогодишен стратеки партнер на Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.