Свет
Двете најсилни австралиски партии со ист број пратеници
Можно е да се случи двете најсилни австралиски партии по објавувањето на конечните резултати од саботните парламентарни избори да имаат ист број пратениџи, соопштуваат аналитичарите додека се уште трае пребројувањето на гласовите
Како што пренесува Reuters, авторитетниот политички аналитичар Ентони Грин, повикувајќи се на компјутерската симулација на изборните резултати, смета дека владејачките лабуристи на премиерката Џулија Гилард и конзервативците на опозицискиот лидер Тони Абот ќе имаат по 73 мандати во 150-члениот австралиски парламент. Според Грин, на двете партии за мнозинство ќе им недостигаат три пратенички мандата.Според досегашните проекции, останатите четири пратенички места ќе им припаднат на тројцата независни кандидата и на еден претставник на Зелените.Австралиската изборна комисија најрано за една седмица а можеби и подоцна ќе ги објави конечните резултати. Според досега потврдените манадати, и лаборустите и конзервативците засега имаат освоено по 71 пратеничко место.И Гилард и Абот во своите досегашни настапи не споменуваат пораз на своите опции, и изразуваат надеж дека ќе може да состават влада со поддршката на независните кандидати и на Зелените и да имаат мнозинство во парламентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кина изрази противење на пакетот помош од САД за Тајпеј
Кина е „одлучно против“ на американскиот пакет за безбедносна помош за Тајпеј во износ од над осум милијарди долари, соопшти Канцеларијата за тајвански работи на кинеското Министерство за надворешни работи.
Пекинг ги повика САД да ја исполнат својата обврска да не ја поддржуваат независноста на кинескиот регион Тајван, како и да прекинат со секаков вид негово вооружување, рече портпаролот на Канцеларијата.
Американскиот Сенат усвои нацрт-закон со кој се одобрува пакетот безбедносна помош за Израел, Украина и кинескиот регион Тајван во вкупна вредност од 95 милијарди долари.
Свет
Стотици мртви во масовни гробници во Газа, меѓу нив жени и стари лица, некои со врзани раце
Палестинските тимови за цивилна заштита започнаа со ексхумација на тела од масовна гробница пред болничкиот комплекс Насер во Кан Јунис минатата недела, откако израелските трупи се повлекоа. Вкупно 310 тела се пронајдени во изминатата недела, од кои 35 пред два дена, соопштија палестинските власти.
„Чувствуваме потреба да алармираме бидејќи се откриени повеќе тела“, рече Равина Шамдасани, портпаролка на Високиот комесаријат за човекови права на ОН. Таа ги опишала телата „закопани длабоко во земјата и покриени со ѓубре“, додавајќи дека „меѓу загинатите наводно има постари лица, жени и ранети“, меѓу кои и некои кои биле врзани и без облека, пишува Гардијан.
„На некои од нив им беа врзани рацете, што секако укажува на сериозни прекршувања на меѓународното право за човекови права и меѓународното хуманитарно право и тие треба да бидат подложени на дополнителни истраги“, рече таа.
Палестинските спасувачки тимови и неколку набљудувачки мисии на ОН, исто така, известија за откривање на повеќе места за масовни гробници во болничкиот комплекс Шифа во градот Газа претходно овој месец, откако израелските копнени трупи се повлекоа по продолжената опсада.
Лекарите кои работат за Лекари без граници опишаа дека израелските сили ја нападнале болницата Насер кон крајот на јануари, пред да се повлечат еден месец подоцна, оставајќи ја установата неспособна да функционира.
Спасувачите продолжуваат да копаат низ песочната почва за да ги ексхумираат телата надвор од болницата. Официјални лица во Газа изјавија дека телата во Насер се на луѓе кои загинале за време на опсадата. Израелската армија во вторникот ги негираше тврдењата за масовни погребувања во болницата.
Израел постојано го обвинува Хамас дека работи во болници и ја користи медицинската инфраструктура како штит, што Хамас го негира. Шефот за права на ОН, исто така, го осуди зголемениот број на израелски воздушни напади што го зафатија северниот, централниот и јужниот дел на Газа во последните денови, вклучително и поморски артилериски оган што погоди згради долж источниот брег на Газа.
Свет
Володимир Зеленски им се заблагодари на САД за пакетот помош за Украина
Украинскиот претседател Володимир Зеленски му се заблагодари на американскиот Сенат за усвојувањето на законот со кој се одобри пакетот помош за Киев во износ од 61 милијарда долари.
Зеленски истакна дека со овој потег САД ја потврдиле својата улога на „светилник на демократијата“, пренесува Ројтерс.
„Благодарен сум на американскиот Сенат што ја одобри клучната помош за Украина. Ова гласање ја зајакнува улогата на Америка како светилник на демократијата и лидер на слободниот свет“, рече украинскиот претседател во изјавата на платформата Телеграм.