Свет
Четири убиени во улини борби во Бејрут
Либанската армија ја презеде контролата врз населбата Бурџ Абу Хајдер во Бејрут, по ноќта мината во престрелки меѓу шиитската група Хезболах и сунитската ал-Ахбаш, во која четири луѓе загинаа, јавува Associated Press
И двете страни изјавија дека причина за вооружениот судир, најлош во Бејрут од 2008 година, била лична расправија меѓу припадници на двете групи, кои се степале околу паркинг место пред џамијата во населбата. Набрзо и двете страни почнале да носат засилувања и престрелката започнала. Тројца од загинатите се членови на Хезболах, а еден е од ал-Ахбаш.Се уште не е јасно зошто расправијата добила толку драматичен расплет, но тензиите меѓу двете групи почнале да растат откако неодамна беше објавено дека на членови на Хезболах ќе им биде судено за убиството на либанскиот премиер Рафик Харири, кој беше убиен во 2005 година и кој беше најистакнат сунитски политичар во Либан.Претходно, двајца членови на сунитската ал-Ахбаш четири години минаа во притвор поради обвинение дека учествувале во атентатот на Харири. Ал-Ахбаш е екстремно исламистичка сунитска организација, која е во војна со речиси сите други сунитски организации во земјата. Оваа организација, како и Хезболах е исклучително просириски настроена. Иако двете групи честопати водат борби меѓу себе, тие политички се многу блиски, па дури имаа и заедничка листа на изборите во 2009 година.И двете групи цврсто гарантираа дека престрелките не биле почеток на нови секташки насилства, кои беа причина Либан да мине 20 години во постојана граѓанска војна. Секташките недоразбирања, исто така, ја доведоа земјата на раб од граѓанска војна во 2008 година, кога Хезболах речиси целосно уништи сунитска населба, поради тоа што владата на Либан се обиде да го уништи нивниот сопствен телекомуникациски систем.По борбите, оформена е лабава коалиција меѓу прозападните партии во Либан и Хезболах. Во последниве години Хезболах се стекна со толку многу политичко влијание, што има виртуелно вето врз секоја одлука на владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.