Свет
Обама: Ирак е суверен, и се ближи крајот на војната
Американскиот претседател Барак Обама во денешното обраќање до јавноста порача дека „се ближи крајот на војната во суверен и независен Ирак“ и дека сега оваа земја може „сама да си го зацртува патот“, јавуваат агенциите
Пред само три дена од предвидениот крај на американската борбена мисија во Ирак, Обама потсети на ветувањето дадено за време на претседателската кампања во 2008 г.„Како претседателски кандидат, ветив дека ќе ја завршам оваа војна. Како претседател токму тоа го правам. Од кога сум претседател вратив дома повеќе од 90 илјади војници“, истакнал американскиот пртседател Барак Обама, а пренесуваат агенциите.Американската војска од неодамна го преполови бројот на војниците во Ирак на 50 илјади, што го поткрепи ветувањето на Обама за завршување на војната, што пред седум и пол години го покрена неговиот претходник, републиканецот Џорџ Буш.Reuters потсетува дека американската борбена мисија, службено престанува на 31 август, но некои војници ќе останат како „советници и помошници“ на ирачките вооружени сили. Тие би требало земјата да ја напуштат кон крајот на 2011 година.„Она што е важно е дека на војната и се ближи крајот. Како секоја независна и суверена земја, Ирак е слободен сам да одлучува за својата иднина. До крајот на следната година, сите американски војници ќе го напуштат Ирак“, истакна Обама.Белата куќа во последно време, како што наближуваат изборите, постојано ги нагласува достигнувањата на Обама, да се засилат позициите на демократските кандидати, кои според аналитичарите, можат да ги изгубат местата, во еден или во двата дома на Конгресот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.